Mark 7:34 - Patamuna New Testament Revised

³⁴ Epùn winàkàik tenu tùlùppù ya, molopai kusan pe iwe'netukkappù màlàyau kàyik pàk, “Ephphatha!” teppù ya, “Atakkokakà,” te ya pe iwechippù màlà.

Mark 7:34 ပူးပေါင်းရင်းမြစ်များ

Mark 1:41

Màlàyau Jesus usentupappù ipàk. Temyatà yenkappà ya molopai yappàtùppù ya. “Ewaik, eyipittà uya, echipittàk,” teppù ya.

Mark 15:34

Wei wetteilettà pe Jesus wentaimeppù eke pe, “ Eloi, Eloi, lama sabachthani? “Ukàippùnù, Ukàippùnù, yà'là pe iwechi pàk unonkasak auya màlà?” te ya pe iwechi.

Mark 5:41

Ulichan muleppù yemyatù pàk yachippù ya, ‘Talita kumi’, tei'ma, “Ulichan muleppù, e'wuluukakà,” te ya pe màlà iwechi.

Mark 6:41

Jesus uya pùlomù pusak yanùmùppù molopai asa'lon kon molok yamùk, tenu tùlùppù ya epùn winàkàik tenki teppù ya Katù pàk. Pùlomù pusak pilipàtùppù ya molopai tùnenupa ton yemyak itùlùppù ya kappon yamùk lepapàttoppe tok uya. Asa'lon kon neken làma molok yamùk yekamùppù ya tok yemyak.

Mark 7:35

Màlà yattai ipana utakkokappù. Yani ipittàppù ya nàlà, molopai wakù pe ichelupappù tùwettalumattàik pùla.

Mark 8:12

Jesus we'netukkappù meluntà pe molopai, “Yà'là peichi iwechipàk kappon yamùk Katù yapàikketù yenpoikanài wotoko ikukà ina nene pe tawonnan?” tei'ma. “Ailon kulu sàlà! Katù yapàikketù yenpoikanài woton wettùtok pùla iwechi màlà, màlà yekkwa ton piyak,” teppù Jesus uya tok pàk.

Luke 18:42

Jesus uya ipàk, “Yenkà! Ailon tetok auya uya eyipittàsak màlà,” teppù.

Luke 19:41

Pata winàkàik lùiwa iyàpùppù màlà molopai pata yensak tùuya yau, ikalawùppù iwenai,

Luke 7:14

Màlàyau iitàppù molopai ekek yen yappàtùppù ya, molopai yanài nan kàyik yamùk weleutappù. Jesus uya, “Emoine! À'mùssakkakà, ukayaik àpàk!” teppù.

John 11:33

Jesus uya Mary kalawù molopai Jew yamùk nàlà ya'là iyàssak kon kalawù yeneppù, iipokoitappù ipla takkwalù yau molopai iitaimelupappù.

John 11:35

Jesus kalawùppù.

John 11:38

Jesus usewankono'ma tukkappù ipla tewan yau molopai uluwaik motak iitàppù. Uluwaik wechippù tàk yeuta yau, molopai tàk wechippù imlatta po.

John 11:41

Màlàyau tok uya tàk yamappù uluwaik poi. Jesus uya tenu tùlùppù kakàik, molopai iwàpùlemappù “Ukàipùnù, tenki ukayaik àpàk, umaimu yetappù auya pàk,” teppù.

John 11:43

Molopai wa tekapù tùpo iwentaimeppù eke pe, “Lazarus, epakkakà!” tukaik.

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

Yeunossak kon Wotokoyi 9:34

“Aeneas, Jesus Christ uya eyipittà màlà. E'wuluukakà molopai eyekwek ikonekakà,” teppù Peter uya ipàk. Asse'ne Aeneas we'wuluukappù.

Yeunossak kon Wotokoyi 9:40

Tamù'nawàlà Peter uya tok yenpakkappù polo pona, màlà iwakkàssak tapùi tapai, molopai tese'mu yok iwenappù molopai iwàpùlemappù. Màlà tùpo iwelattàppù ekek winàkàik molopai, “Tabitha, e'wuluukakà!” teppù ya. Iwàssànkappù ya, molopai Peter yensak tùuya yau iwe'wuluukappù chichiu pe.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.