Jesus uya pùsamlo 12 pan kon yeunokoppù màlà suwa tukaik tok tùpanamase. “Kùtàtàu tùulon kon kappon yamùk, Jew yamùk pen pata yak wapùla Samaria pon kon pata yak.
“Wakù pe esuken nai'nùk kùttùtàu a'a yamùk yemyak. Epekkek akassukuyi kon pearl yamùk kùsenu'matàu puluku yamùk yemloto pona. Masapùla tok uya neken màlà iwasappàtù, molopai tok welattà nen uchi màlà akalapàsse,” teppù ya nàlà.
Pùsàlà nossan wechippù màlà Jew pe pùla Phoenicia po iwentusak lùppù pe pata Syria yau. Àli akkwalù yenpakka toppe Jesus uya ipawanattàppù ya tùmle yapai.
“Ewaik, Uyepulu, tùse ku a'a yamùk mùkyamlo mule yamùk yeipa pùkkùlùppù lùkwà là wà'nànsak tok uta'letà yapon yo'no na'nài nan tà,” teppù nossan uya Jesus pàk.
Masapùla tekamayaik àpàkù'nokon Christ wenappù mà Jew yamùk yattàsak kon yapyoto pe tà Katù wechi ailon pe yekama pe ikupù tùuya teppù lùppù tùnamasan Jew yamùk tamo yamùk pàk kusse ailon pe iwettoppe.
Màlà yattai mei Christ pàk ewechippù kon màlà. Toto yamùk pe, Israel yamùk tonpa pe pùla. Itùlù tùuya teppù Katù uya lùppù tùponalok kon pàk pùkkù pe ewechippù kon pen. Sàlà non po ewemapùppù kon enpen we'nàtok pùla, molopai Katù pùla.