Mark 6:51 - Patamuna New Testament Revised

⁵¹ Tok piyak iwenukuppù kanau yak molopai assetun wàttù'nàppù màlà. Inenupa ton usenumenkappù kulu màlà, ichelupa pùla tùwenaik.

Mark 6:51 ပူးပေါင်းရင်းမြစ်များ

Matthew 8:10

Jesus usenumenkasak wechippù màlà sàlà yetasak tùuya yau, molopai ta'lon kon pàk, “Ailon kulu sàlà, sàlà yekkwa ailon tetok yensak uya pùla man ànù'là yau Israel po.

Mark 1:27

Tukkan kon usenumenkappù kulu màlà ipàk. Tok usekamappopàtùppù tùyiwalà'nokon, “Yà'là ken uchi sàlà, tùulon nà emennak enupantok? Pùsàlà kàyik tapùikettù ke man àli akkwalù yamùk yapyontàtok yesappe molopai tok wechi imaimu yawàlà” teppù tok uya.

Mark 2:12

Màlà yattai là iwe'wuluukappù, tekkwek yanùmùppù ya, molopai iitàppù tok wapiya. Tok usenumenkappù kulu. Katù yapulàppù tok uya, “Sàlà yekwalà yensak pùla man wapiya,” tukaik.

Mark 4:39

Jesus upakappù molopai iwà'mùssakkapù. Àsà pe assetun yekamappoppù ya. Molopai assetun weleutappù. Màlàyau chipachipa pàk, “Eichilà walà nechii,” teppù ya. Molopai chipachipa weleutappù. Tùtùi pe nen uchi.

Mark 4:41

Tùse tok wettalipappù kulu màlà, “Ànù'là ken uchi pùsàlà kàyik? Assetun nàichi palau là wettok imaimu yawàlà!” teppù tok uya tùyiwalà'nokon.

Mark 5:42

Màlà yattai là asse'ne kulu ulichan muleppù we'wuluukappù molopai ichalàppù. (12 pe ikilichimochiyi màlà ulichan wechippù.) Sàlà wekkusak yau tok usenumenkappù.

Mark 6:32

Tok utàppù kanau yau tùmyamlo pe neken tùkkenan pata yak.

Mark 7:37

Tamù'nawàlà yetannùssan usenumenkasak kulu wechippù, “Wakù pe là tamù'nawolon kuppàssan. Panattàppan pana utakkokatoppe là iku'nài pe man molopai tùuselupasen pen nà uselupatoppe,” tukaik.

John 6:21

Màlàpàk tok uya alikyek pe yanùmùpù kanau yak. Molopai asse'ne kanau welepamùppù tok utàtok imotak yak.