Mark 6:37 - Patamuna New Testament Revised

³⁷ “Amyamlo'nokon pe là tok ilepatàk kon tok yeipa ke,” tukaik Jesus uya tok maimu yeikuppù. Tok uya yekamappoppù, “Ina utà ken na' iche messan, 200 kaichalon pùlayatta pun ke pùlomù pusak ye'maik tok ya'lettà toppe?” tukaik.

Mark 6:37 ပူးပေါင်းရင်းမြစ်များ

Matthew 14:16

“Tok utà pen nen màlà. Amyamlo pe tok yewettàk kon,” tukaik Jesus uya tok maimu yeikuppù.

Matthew 18:28

“Kàyik utàppù màlà molopai tùtonpa apyoto yepoloppù ya, tùwomanàippù tukke pùla là pùlayatta. Yachippù ya molopai i'mùtumlukuppù ya. ‘Uwomatok auya ye'makà!’ teppù ya ipàk.

Mark 6:36

Kappon yamùk yeunokkà pata yamùk meyon kon pen umà yamùk molopai pata yamùk yak tùyiwalà teipa kon woton ye'ma toppe tok uya,” teppù tok uya Jesus pàk.

Mark 6:38

Màlàyau, “Yà'là kaichalà ken uchi pùlomù pusak lùkwà nai? Imasa yentantàk kon,” teppù Jesus uya tok pàk. Màlàyau ittuppù tok uya, “5 pe kaichalà neken man, molopai asa'là neken molok yamùk man” teppù tok uya.

Luke 7:41

“Asa'lon kon kàyik yamùk wechippù molo, pùlayatta tùnài winàpai yekkwa'nài nan nùssan. Tewinan uya 500 pe pùlayatta yale mokkasak wechippù molopai tùulon uya 50 pe pùlayatta yale mokkappù.

Luke 9:13

Tùse Jesus uya tok pàk, “Amyamlo pe tok yewettàk kon,” teppù. “Mùyak etoikenan neken eki molopai asa'lon kon molok yamùk tawon neken ina piyau man. Kùyali ye'mase ina utà pùsamlo tukkan kon kappon yamùk ponaloppe?” teppù ya'lon kon uya.