Mark 6:34 - Patamuna New Testament Revised

³⁴ Tùwepalùka pe Jesus uya ilinà pe kappon yamùk yeneppù, màlàpàk Jesus usentupappù tok pàk, masapùla itesak pùnon kalinilu yamùk kasa tok wechi pàk. Tok yenupa pàk iwepyattàppù, tukkan yà'là yekkwa ton nà pàk.

Mark 6:34 ပူးပေါင်းရင်းမြစ်များ

Matthew 14:14

Jesus wepalùkappù màlà kanau yapai, tukkan kon kappon yamùk yensak tùuya yau ichentuppappù tok pàk, molopai tok ye'netù ipittàppù ya.

Matthew 15:32

Jesus uya màlà ta'lon kon kà'mappù tùpyak molopai, “Usentuppayaik pùsamlo kappon yamùk pàk, masapùla upyau tok wessak man àsolùwau wei molopai tok nùnapù woton pùla man. Molopai tok tewesse pùla tok eneunoppai pùla wessaik, masapùla nen yattai pùla tok wenpulumanpàtù te'ma kon tau,” teppù ya.

Matthew 9:36

Ilinà kappon yamùk yene tùuya yau, Jesus usentuppappù tok pàk, masapùla tok utaimelunpasak molopai ipùikattànài pùla tok wechi pàk, kalinilu yamùk itesak pùnon kasa.

Mark 6:33

Màlà tùse tukkan kon kappon yamùk uya tok utà yeneppù. Mùkyamlo pe tok ituppù tok uya. Màlà yattai tamù'nawàlà pata yapai tok wakkàse tok utàppù paluppolo aitun pe, tok wapiya tok welepamùppù.

Mark 6:35

Pata uko'mamù yau inenupa ton uyàpùppù ipyak, “Pata uko'mansak man molopai sàlà nàlà màlà tùkkenan pata.

Mark 8:1

Màlà yattai ilinà kappon yamùk wepilittukkappù màlà, tùse tok yeipa woton pùla iwechi yau, tùnenupa ton kà'mappù Jesus uya tùpyak, molopai tok pàk,

Mark 8:2

“Usentuppayaik sa' pùsamlo kappon yamùk pàk, masapùla àsolùwau wei upyau tok wessak màlà, molopai yà'làlà tok nùnapù woton pùla man.

Luke 9:11

Yetasak tùuya'nokon yau tukkan kon kappon yamùk uya iwenaimappù. Tok yanùmùppù ya tùutauchinpaik. Tok yelupappù ya, Katù wettok itepulu pe pàk, molopai mùkyamlo tipittà kon iche tùwessan ipittàppù ya.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.