Mark 5:42 - Patamuna New Testament Revised

⁴² Màlà yattai là asse'ne kulu ulichan muleppù we'wuluukappù molopai ichalàppù. (12 pe ikilichimochiyi màlà ulichan wechippù.) Sàlà wekkusak yau tok usenumenkappù.

Mark 5:42 ပူးပေါင်းရင်းမြစ်များ

Mark 1:27

Tukkan kon usenumenkappù kulu màlà ipàk. Tok usekamappopàtùppù tùyiwalà'nokon, “Yà'là ken uchi sàlà, tùulon nà emennak enupantok? Pùsàlà kàyik tapùikettù ke man àli akkwalù yamùk yapyontàtok yesappe molopai tok wechi imaimu yawàlà” teppù tok uya.

Mark 4:41

Tùse tok wettalipappù kulu màlà, “Ànù'là ken uchi pùsàlà kàyik? Assetun nàichi palau là wettok imaimu yawàlà!” teppù tok uya tùyiwalà'nokon.

Mark 5:41

Ulichan muleppù yemyatù pàk yachippù ya, ‘Talita kumi’, tei'ma, “Ulichan muleppù, e'wuluukakà,” te ya pe màlà iwechi.

Mark 5:43

Màlàyau, “Sàlà kùsekamatàu ànù'là pàk,” teppù Jesus uya àsà pe tok pàk. “Iteipa woton ke neken ilepatàk kon,” teppù ya nàlà tok pàk.

Mark 6:51

Tok piyak iwenukuppù kanau yak molopai assetun wàttù'nàppù màlà. Inenupa ton usenumenkappù kulu màlà, ichelupa pùla tùwenaik.

Mark 7:37

Tamù'nawàlà yetannùssan usenumenkasak kulu wechippù, “Wakù pe là tamù'nawolon kuppàssan. Panattàppan pana utakkokatoppe là iku'nài pe man molopai tùuselupasen pen nà uselupatoppe,” tukaik.