Mark 5:35 - Patamuna New Testament Revised

³⁵ Masa Jesus uselupa lùppù tùse, itekale ne'nài nan uyàpùppù Jairus yùwùk tapai. “Eyenchi nelikkappàssan. Yà'là pàk tachin pe là Enupanài wanittàpa pàk messan?” teppù tok uya Jairus pàk.

Mark 5:35 ပူးပေါင်းရင်းမြစ်များ

Matthew 26:10

Jesus uya tok uselupatok ittuppù màlà molopai tok pàk, “Yà'là pe iwechi pàk pùsàlà nossan wanittàpa auya'nokon màlà? Wakù kulu kussak ya màlà uponaloppe.

Matthew 26:18

“Itàtàk kon mùkkàlà kàyik piyak Jerusalem pona.” teppù ya tok pàk, “Molopai ipàk ‘Uweyu uyàssak man, unenupa ton pokonpe Usentaka'nàppà Yattai Uta'lettàntok kupù uya màlà àyùwùk tau nùkapàssan Enupanài,’ mùkatàik,” teppù ya.

Matthew 9:18

Sàlà te Jesus uya tok pàk tùse, Jew yamùk wepilittok itak yesak uyàpùppù màlà Jesus piyak, tese'mu yok iwenappù itemlotopo molopai ipàk, “Uyenchi nelippàssan, tùse àikkà eyemyatù inonkatanikà ipona molopai nulà iwena màlà,” teppù ya.

Mark 10:17

Jesus wessalattàkassak tùutà pàk tùse kàyik uyàpùppù ipyak, tese'muyok iwenappù itemlotopo molopai Jesus yekamappoppù ya, “Wakù Enupanài, yà'là kupù uya ken wema'nàtok tàwàlàlà yepotoppe uya?” tukaik.

Mark 5:22

Jairus, synagogue yesak tonpa uyàpùppù molopai Jesus yene tùuya yau itta piyak iwettolùpattàppù.

Luke 8:49

Jesus uya wa te tùse, itekale ne'nài uyàpùppù Jew yamùk wepilittok itak yennài yùwùk tapai. “Eyenchi nelippàssan. Enupanài nen uchi kùsaimelunpai,” teppù ya Jairus pàk.

John 11:21

Màlàyau Martha uya Jesus pàk, “Uyepulu, talà ewessak yau upi welitok pan pen!

John 11:25

Jesus uya ipàk, “Iulà mùkkàlà we'wuluukantok molopai wema'nàtok. Ànù'là ailon nùkayai'nùk upàk wemapù màlà tùwelichak là nen tùse.

John 11:28

Molopai wate tùpo, Martha wennappoppù molopai takon Mary kà'mappù ya miya molopai yetaleupappù ya, “Ticha uyàssak man, eyekamappopàssan,” tukaik.

John 11:32

Mary welepamùppù Jesus piyak. Yensak tùuya yau tese'mu yok iwenappù iita piyau. “Uyepulu, talà ewessak yau, ului welittok pan pen,” teppù ya.

John 11:39

“Tàk yamatàk imlatta poi,” teppù ya. Tùse Martha, iwelichak wàlichi lùppù uya Jesus pàk, “Itepulu, ikà pe nen iwenkassak sàlà, masapùla asakùlà'ne wei iwelichak uko'mansak màlà!” teppù.

John 5:25

Ailon pe kulu àpàkù'nokon yekama uya sàlà, pata weyu nùyàssan, iyàkkassak man, mùkyamlo iwelichak kon uya Katù Mumu maimu yeta màlà, molopai mùkyamlo yetannan wemapù màlà.