Mark 5:15 - Patamuna New Testament Revised

¹⁵ Jesus piyak tùuyàssak kon yau, molo kàyik yeneppù tok uya tukkan kon àli akkwalù yamùk wettok yau. Chichiu pe iwechippù tùpon ke molopai wakù pe ichenumentok. Màlàpàk tok usenalippappù.

Mark 5:15 ပူးပေါင်းရင်းမြစ်များ

Matthew 12:29

“Ànù'là wewontok meluntà kàyik yùwùk tùkkwàsse itemamin yamùk yase pùla iwechi màlà, tùse meluntà kàyik yaulonpàssak neken tùuya wapiya yau. Màlà yattai làkku itùwùk tawon pàk ilapuma ya màlà.

Matthew 26:53

Ittu na' auya'nokon pùla nai, Ukàipùnù yekamapposak uya upùikattàtoppe ya yau, asse'ne tukke, tùyinchelùyi yamùk yeunoko ya 12 pan kon itesappe'ne?

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Matthew 9:33

Àli akkwalù yenpakkasak ya pe, kàyik uselupappù nen uchi màlà. Tamù'nawolon kon usenumenkasak wechippù. “Sàlà yekkwa là yensak nokon pùla man Israel yau,” teppù tok uya.

Mark 5:14

Puluku yamùk yennài nan utàppù aitun pe pata pona yekamaik molopai umà yawon kon pàk là yekamaik. Màlàyau kappon yamùk utàppù yà'là pe là iwessak yense.

Mark 5:16

Yennàinan nùssan uya yà'là kasa àli akkwalù yen lùppù kàyik wechippù yekamappù kappon yamùk pàk molopai puluku yamùk wechi yà'là pe yennài nan nùssan uya yekamappù tok pàk.

Mark 5:18

Kanau yak Jesus wenuku tùse àli akkwalù yenpù lùppù kàyik uya ipawanattàppù, “Aya'là ka' utà lù?” tukaik.

Mark 5:4

Tukke itekkwa itta molopai itemyatù yamùk yaulonpàtùppù, tùse echipalà taulonpàttok yattàpàtùppù ya molopai sa'man nà chin yatànài pe iwechippù tùtta ke. Meluntà pe kulu iwechippù ànù'là uya yeleutanùpù yentai.

Mark 5:9

Jesus uya yekamapoppù, “Ànùk ken eyesek?” tukaik. Màlàyau yeikuppù ya, “Uyesek màlà Mob, tukke ina wechi pàk!” tukaik.

Luke 10:39

Takon ke iwechippù màlà Mary itesek. Mùkkàlà weleutappù màlà Itepulu pùta piyau enupantok ya yeta pàk.

Luke 8:27

Jesus uttà kanau yapai tuna yena pona yau kàyik àli akkwalù yamùk yen uya yepoloppù màlà, màlà pata yau. Ipon pùla iwechippù màlà tachin pe, molopai tùpata po iwechi pùla iwechippù, tùse uluwaik yamùk kùlottau iwemapùppù.

Colossians 1:13

Masapùla kùpùikattàppù kon ya ewalupà meluntàlù winàpai molopai ne'nàsak kon ya itepulu pe tù'nùn Tùmu wettok yak pàk.

2 Timothy 1:7

Masapùla Wakù Akkwalù Katù uya lepansak kù'nokon ike nai'nùk mùkkàlà tùwettalipasen pe ku'nài pen; tùse kùyanùkkanài mùkkàlà meluntà ke, uchi'nùnmantok ke molopai wakù pe ewemapù pa àku'nài màlà.