14 Puluku yamùk yennài nan utàppù aitun pe pata pona yekamaik molopai umà yawon kon pàk là yekamaik. Màlàyau kappon yamùk utàppù yà'là pe là iwessak yense.
“Wakù pe esuken nai'nùk kùttùtàu a'a yamùk yemyak. Epekkek akassukuyi kon pearl yamùk kùsenu'matàu puluku yamùk yemloto pona. Masapùla tok uya neken màlà iwasappàtù, molopai tok welattà nen uchi màlà akalapàsse,” teppù ya nàlà.
“Tàwà tok nepakkai,” teppù ya. Tok wepakkappù kàyik yapai, molopai puluku yamùk yak tok wewomùppù. Puluku yamùk wechippù màlà tukke, 2000 kaichalon kon. Tok utàppù nen uchi asse'ne aitun pe aiko i'nauwon yailà epukaik tuna kak molopai tok unalàppù.
Jesus piyak tùuyàssak kon yau, molo kàyik yeneppù tok uya tukkan kon àli akkwalù yamùk wettok yau. Chichiu pe iwechippù tùpon ke molopai wakù pe ichenumentok. Màlàpàk tok usenalippappù.