Mark 4:39 - Patamuna New Testament Revised

³⁹ Jesus upakappù molopai iwà'mùssakkapù. Àsà pe assetun yekamappoppù ya. Molopai assetun weleutappù. Màlàyau chipachipa pàk, “Eichilà walà nechii,” teppù ya. Molopai chipachipa weleutappù. Tùtùi pe nen uchi.

Mark 4:39 ပူးပေါင်းရင်းမြစ်များ

Matthew 8:26

“Yà'là peichi iwechi pàk ewettalipasak kon màlà? Attu'mùla kulu ailon tetok auya'nokon man!” tukaik Jesus uya yeikuppù. Màlàyau iwe'wuluukappù molopai assetun molopai chipachipa weleutatoppe ikupùppù ya, molopai iwàttù'nàkapùppù màlà.

Mark 4:38

Tùse Jesus we'nùnsak wechippù kanau yaule yau tù'mùyeppà yessek po aittoupe. Tok uya yenpakappù. “Ina Yepulu, ina umata winàkàik là na' uchi iwechi tùse, ina pàk eusentupa pen màlà?” teppù tok uya Jesus pàk.

Mark 9:25

Tukke kappon yamùk uyàpù yene tùuya yau, Jesus uya àsà pe àli akkwalù pàk, “Àmàlà tùuselupasen pen molopai panattàppan akkwalù, àpàk wa ukayaik. Epakkakà mùkkàlà yapai, molopai kewontukkai walawok yak,” teppù.

Luke 4:35

Jesus uya meluntà pe akkwalù pàk, “Eppana ekkà, molopai epakkakà kàyik yapai!” teppù. Àli akkwalù uya kàyik yenu'mappù tok yemloto po, molopai iwepakkappù yapai tùmattanùsse pùla.

Luke 4:39

Iitàppù molopai satippe iwechippù itekkwek piyau molopai iwàkàmi'matok pàk, “Wa là àmolonkakkà,” teppù ya. Màlàyau iwàkkàmi'makapùppù molopai iwà'mùssakappù asse'ne kulu, tok yeipa konekappù ya.

Luke 8:24

Jesus ya'lon kon uyàpùppù màlà ipyak molopai tok uya yenpakappù, “Itepulu, Itepulu! Unanà'nokon pe man!” teppù tok uya. Jesus we'wuluukappù molopai assetun molopai chipachipa tawon weleuta toppe yelupappù ya. Iwàttù'nàppù màlà, tamù'nawolon wàttù'nàsak wechippù.