Mark 4:38 - Patamuna New Testament Revised

³⁸ Tùse Jesus we'nùnsak wechippù kanau yaule yau tù'mùyeppà yessek po aittoupe. Tok uya yenpakappù. “Ina Yepulu, ina umata winàkàik là na' uchi iwechi tùse, ina pàk eusentupa pen màlà?” teppù tok uya Jesus pàk.

Mark 4:38 ပူးပေါင်းရင်းမြစ်များ

Matthew 22:16

Màlàyau ta'lon kon tonpa yamùk molopai Herod tonpa yamùk yeunokoppù tok uya Jesus piyak. “Enupanài, ina nùttuyan wakù pe ewechi. Kappon yamùk ponalok ailon, Katù yeselu pàk enupanài àmàlà, yà'là tukaik kappon yamùk usenumenka pàk tùutaimelunpaik pùla, masapùla tamù'nawolon kon kappon yamùk mùkyamlo ekaichalon kon eyenu yau.

Matthew 8:25

Ya'lon kon utàppù màlà ipyak molopai yenpakappù tok uya. “Ina ipùikattàkà, ina Yepulu! Weli'nà'nokon pe man!” teppù tok uya Jesus pàk.

Mark 4:37

Màlà yattai là eke pe asetun uyàpùppù. Chipachipa pe tuna yewonnùpùppù ya kanau yak. Iwanùpùiwappù tuna ke.

Mark 4:39

Jesus upakappù molopai iwà'mùssakkapù. Àsà pe assetun yekamappoppù ya. Molopai assetun weleutappù. Màlàyau chipachipa pàk, “Eichilà walà nechii,” teppù ya. Molopai chipachipa weleutappù. Tùtùi pe nen uchi.

Luke 8:24

Jesus ya'lon kon uyàpùppù màlà ipyak molopai tok uya yenpakappù, “Itepulu, Itepulu! Unanà'nokon pe man!” teppù tok uya. Jesus we'wuluukappù molopai assetun molopai chipachipa tawon weleuta toppe yelupappù ya. Iwàttù'nàppù màlà, tamù'nawolon wàttù'nàsak wechippù.

John 4:6

Jacob tunakkwa yennùppù inakappù lùppù wechippù molo molopai Jesus usetakkasak wechippù tùutà ke, iweleutappù màlà tuna yen piyau. Inakattapailà wei wechippù màlà.

Hebrews 2:17

Màlà kasa iwechi pàk màlà Jesus kupùppù tamù'nawolon yau itonpa yamùk ikàipùnù munkà yamùk kasa, tùusentuppasen pe molopai ailon kulu eke paatele pe iwettoppe Katù wotokoyi yau molopai tok makuyi pàk Katù usentuppatoppe.

Hebrews 4:15

Eke kulu mùkkàlà kùpaateleyi kon tùusentuppasen molopai attu'mùla we'nà ittunài. Tamù'nawàlà kùyittutok yekkwa ittuntok yawà iitàppù màlà, tùse àli kupùppù ya pen.

1 Peter 5:7

Tamù'nawàlà ayaimelunpa yatài'nùk inonkatàk kon ipona,masapùla amainanpa kon ya màlà.