Mark 4:34 - Patamuna New Testament Revised

³⁴ Panton yai pùla là kappon yamùk yelupappù ya pen màlà. Tùse tùnenupa ton pàk neken nen uchi suwa te uya pe iwechi màlà tepàtùppù ya.

Mark 4:34 ပူးပေါင်းရင်းမြစ်များ

Matthew 13:34

Jesus uya panton yamùk yekamappù màlà tamù'nawàlà sàlà yamùk yekama tùuya tukkan kon kappon yamùk pàk yau, panton tekamaik pùla lùkkwà là iichelupappù pen.

Mark 4:10

Tewincha Jesus nànsak ilinà kappon yamùk uya yau, tùulon kon uya yetasak uyàpùppù ipyak 12 kaichalon kon inenupa ton pokonpe. Màlàyau tok uya yekamappoppù panton pe tùnekamappù lùppù yekama toppe ya.

Mark 4:33

Tukke panton yai Jesus uselupappù màlà tok uya ittu kaichalà. Tùulon itekale yekamappù ya màlà panton yai sàlà nai'nùk kasa.

Luke 24:27

Molopai Jesus uya tok pàk tamù'nawàlà Katù Maimu uselupasak tùpàk lùppù yekamappù màlà tok pàk, iweppyattàppù màlà Moses kaletayi yamùk motapai molopai tamù'nawàlà Katù Maimu yenpoikannan nùmenukappù pùkkù yak.

John 10:6

Sàlà ittutok ipàkàlà yekamappù Jesus uya tok pàk, tùse tok uya ittu pùla iwechippù.

John 16:25

“Sàlà yamùk yekamappù uya àpàkù'nokon ittutok ipàkàlà pokon pe. Tùse wei nùyàssan sàlà kasa tu'ma uselupatok yattai pen, tùse wakù pe Ukàipùnù yekama uya màlà àpàkù'nokon.

Yeunossak kon Wotokoyi 28:23

Màlàpàk tok uya wei konekappù Paul pokonpe tùwessepotok kon pe, molopai tukke tok uyàpùppù màlà yattai Paul patassek yak. Ko'làma motapai ewalupà tepose Katù wettok itepulu pe yekale yekamappù ya. Jesus pàk ailon tetoppe tok uya ikupù iche iwechippù, Law Moses winàpaino molopai Katù Maimu yenpoikannan nùmenukappù yapai.