Mark 4:15 - Patamuna New Testament Revised

¹⁵ Tùulon kon nà kapon yamùk wechi màlà kùyali yek asanta yena polo iwessolokasak kasa Katù Maimu yetasak tok uya pe Settan, uyàpù màlà asse'ne Katù Maimu mokkase tok yewan yapai.

Mark 4:15 ပူးပေါင်းရင်းမြစ်များ

Matthew 13:19

Mùkyamlo itepulu pe we'nàtok yekale yetannan, tùse ittunnan pen wechi màlà tùpànsen kùyali yenappà iwessolokasak lùppù asantak kasa. Ene Makui tùuyàssen molopai ipànsak lùppù tok yewan yau mokkanài.

Matthew 22:5

Tùse ikà'masak kon uya yetapàtùppù, molopai iche tùwettok kon kusse tok utàppù. Tewinan utàppù màlà tù'mà yak. Tùulon utàppù tùwotokoyi yak.

Matthew 4:10

Màlàyau Jesus uya yeikuppù, “Itàkà uwinàpai, Settan! Katù Maimu màlà, ‘Itepulu Akatùyi yapulàkà, molopai iponaloppe neken e'wotokomakà!’ tawon,” tukaik. {Deu 6.13}

Mark 4:14

“Tùwàpànsen uya màlà Katù Maimu pàmà.

Mark 4:16

Tùulon kon nà wechi màlà tàk pon non yak iwessolokasak lùppù kasa Katù Maimu yeta tùuya'nokon yau tok uya yanàmà tewan kon yak tùutauchinpaik.

Mark 4:4

Kùyali yek soloka ya umà yau tùse tùulon nà wessolokappù asanta yena polo. Màlàyau tolon yamùk uyàpùppù tok uya yeunoppàtùppù.

Luke 8:12

Tùpànsen iwessolokasak lùppù asantawà uya yekama màlà, mùkyamlo Katù Maimu yetan nan. Tùse Tepùlù mùkkàlà tùuyàssen molopai itekale mokkanài tok yewan yapai, ailon te tok uya molopai tok wepùikattà tukaik.

Yeunossak kon Wotokoyi 17:32

Paul uselupa we'wuluukantok weli'nàtok yapai pàk yeta tùuya'nokon yau, tùulon kon uya imottùnpappù, tùse tùulon kon uya, “Ina sàlà pàk euselupa tu'ma enetapai man,” teppù.

Yeunossak kon Wotokoyi 5:3

Peter uya, “Ananias, yà'là peichi iwechi pàk Settan uya eyewan yanùkkasak màlà, aukaseita pa Wakù Akkwalù winàkàik. Umà yepeppù pe enepoloppù pùlayatta tonpa kupù tùpo àponalok pe?

2 Corinthians 2:11

Settan uya kùyentaika kon tukaik, masapùla ikupù pàk iwekkuttok ittu'nokon man.

2 Thessalonians 2:9

Katù yeyaton non yesak uyàpù màlà Settan meluntàlù yau, molopai tamù'nawolon yà'là yekkwa ton nà tùkkussan yek pen kupù ya màlà, enumenkannan, molopai enalippan nan. Tùse, ennakantok pe iwotokoyi wechi màlà.

Hebrews 12:16

Elannek pe ettàk kon ànù'là uya àli kupù tesak ke tukaik wapùla ànù'là wechi Katù pùn kasa tukaik. Esau kasa, mùkkàlà tùpatassek wapiya iwentusappe tùwechi nepolo chilanmanàippù, tewin itekkwa tùnassen kùyali yepeppe.

Hebrews 2:1

Màlàpàk uchi yetasak lùppù pàk ailon te pai'nokon man sa'man pe lùiwa, iwinàpai utaman'nokon tukaik.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

Revelation 12:9

Eke ulupelu lùmà yenu'mappù màlà, mùkkàlà penalok àkài, Makui wapùla Settan itesek, tamù'nawolon kon kappon yamùk non pon kon yennakanàippù. Yenu'mappù màlà non pona tamù'nawàlà itinchelùyi yamùk pokonpe.

Revelation 20:10

Màlàyau Makui tok yennakanàippù, yenu'mappù màlà eke kulu apok molopai kulupala kasa tùkà'nùnsen yak, àsà ene molopai iwalai pen itekale yekamanàippù tawonnan yenu'mappù yak, molopai tok talumattà màlà weinai molopai ewalupàttau tàwàlàlà molopai tàwàlàlà.

Revelation 20:7

1000 pan kilichimochi wenukassak tùpo, Settan yaulonka màlà yachitok yapai.