7 Molo iwechippù màlà kàyik Barabbas itesek patikichi tau tùulon kon kùlottau pata yesak winàkàik tùwepanta'maik kappon wànàippù.
Màlà yattai tùttusen yachisak wechippù patikichi tau Barabbas itesek.
Usentakantok yattai Uta'lettàntok yattai'ne, ànù'là yachichak lùppù nonkanài pe Pilate wechippù màlà patikichi tapai, kappon yamùk uya tùpàk yekekamapposak yau.
Màlàyau tùwepilichak kon yau kappon yamùk uya Pilate yekamappoppù sàlà yekkwa tùnkussek kuttoppe ya tùponalok kon pe.
Kàyik, iche tok wettok nonkappù ya màlà, mùkkàlà patikichi tak itùsak lùppù wepanta'mantok wenai molopai wàntok ya wenai, molopai Jesus tùlùppù ya kappon yamùk yemyak iche tùwettok kon kuttoppe tok uya.