Mark 15:19 - Patamuna New Testament Revised

¹⁹ Màlàyau tok uya ippai yai iwànàppù yei ke, molopai tok wetattapàtùppù ipona, molopai tùwessekunkaik tok wepeimappù iwinàkàik.

Mark 15:19 ပူးပေါင်းရင်းမြစ်များ

Matthew 27:30

Tok wetattapàtùppù màlà ipona, molopai yei yekkwatùppù tok uya itemyapai molopai ippai yai tok uya ipippàtùppù.

Mark 10:34

“Molopai tok uya imottùnpa màlà, tok wetattapàtù màlà ipona. Ippoppàtù tok uya màlà molopai tok uya iwànà màlà. Molopai àsolùwau wei tùpo iwe'wuluuka màlà,” teppù Jesus uya.

Mark 14:65

Màlàyau tùulon kon wetattapàtùppù ipona, molopai tok uya itenpata waputtàppù pon pùkkùlùppù ke molopai tok uya iwàpàtùppù temyatù kon ke. “Ànùk ken àwànài? Yenpoikakà!” teppù tok uya ipàk. Molopai achinnan uya yalàppù molopai itenpata yai tok uya iwàpàtùppù.

Mark 15:18

Màlàyau tok uya Jesus pàk, “Tachin pe emakkà, Jew yamùk Kinù,” teppù.

Mark 15:20

Imottùnpakapù tùpo iponkappù tok uya pon tùtalilen yapai, molopai ipon yak nen uchi tok uya ipontàppù. Màlàyau tok uya yalàppù pulusuk pona ipukapàsse.

Mark 9:12

Jesus uya tok maimu yeikuppù, “Elijah uyàpù nen màlà wapiya tamù'nawolon yà'làlà konekaik. Walà tùse yà'là pe ken uchi iwechi pàk màlà iwe'menukasak, ‘Kàyik Mumu wettalumattà màlà eke pe molopai inulunpa,’ tukaik uchi?”

Luke 22:63

Kàyik yamùk Jesus yennài nan uya imottùnpappù màlà, molopai tok uya ippoppàtùppù.

Luke 23:11

Herod molopai ichoichayi yamùk wàkklàppù màlà Jesus pàk, tok uya imottùnpappù. Molopai wakù pon yak tok uya ipontàppù molopai Pilate piyak tok uya yeunotukkappù.

Luke 23:36

Soicha yamùk wàkklàppù nàlà màlà ipàk. Tok uyàpùppù màlà ipyak so'li tinchisen ke ilepase.

Romans 11:4

Yà'là tukaik ken Katù uya yeikuppù? “7,000 pan kon kappon yamùk kussak uya man uponaloppe ailon pen tùulon katù Baal itesek yemloto po iwepeimasak kon pen,”tukaik uchi. {1Ki 19.18}

Philippians 2:10

Tamù'nawolon kon epùn pon kon, molopai non pon kon, molopai non yo'non kon wenatoppe tese'mu kon yok.

Hebrews 13:13

Màlàpàk uchi ipyak utànpai'nokon pata yena pona inpàlikappù wekkuli'mantok pàlikase.