57 Màlàyau tùulon kon we'wuluukappù molopai kasei pe tok uselupappù Jesus winàkàik.
“Katù yùwùk yamokklopù lùkku auya tà molopai yamù auya àsolùwau wei yau neken! Epùikattàkàichi, Katù Mumu pe ewechi yau! Àwuttàkà pulusuk poi!” tukaik.
Màlàpàk tukkan kon uya Jesus kaseipappù, tùse yeimippotok pe pùla tok uselupatok wechippù ipàk.
“Ina netatai, ‘Sàlà Katù yùwùk matanùpù uya màlà kappon yamùk nùkonekappù, molopai àsolùwau wei tùpo tùulon yamù uya màlà kappon yamùk nùkonekappù pe pùla!”’ tukaik.
Kappon yamùk yentakanàinan uya imottùnpappù, tùppai kon sùkùsùkùmai'ma, “Àmàlà lùk uchi, ‘Katù yùwùk ya'wokanài molopai àsolùwau wei neken yamù auya,’ ” teppù tok uya.