Mark 14:54 - Patamuna New Testament Revised

⁵⁴ Peter uya iwenaimappù mei, eke kulu paatele yamùk yepulu pata yak. Màlàyau chichiu pe iwechippù achinài nan piyau, tùwa'no pàk apok piyau.

Mark 14:54 ပူးပေါင်းရင်းမြစ်များ

Matthew 26:3

Màlàyau eke ton paatele yamùk molopai tùnamasan eke ton Jew yamùk wessepoloppù màlà tamùkke Caiaphas Eke kulu paatele patassek yak.

Matthew 26:58

Peter uya iwenaimappù màlà mei, Eke kulu paatele yùwùk pùloloi motak. Iwewomùppù molopai iweleutappù pata yennàinan piyau, yà'là kasa là tamù'nawolon wekkupù yene pàk.

Mark 14:38

“Enpen ettàk kon molopai àpùlematàk eyittutok yak àutà kon tukaik. Ayakkwalù kon nen alikyek pe man, tùse atu'mùla àpun kon man,” teppù Jesus uya tok pàk.

Mark 14:66

Peter wechi kawon pan tapùi yo'no lùppù tùse ulichan paatele yamùk yennài yapyoto tonpa uyàpùppù.

Luke 22:44

Ipla kulu tùusewankono'masak echii'ma iwàpùlemappù màlà tùuseka'nonkaik. Iwewaichak useukkappù mùn kasa non pona.

Luke 22:54

Jesus yachippù màlà tok uya, molopai yalàppù Eke kulu paatele yùwùk tak. Molopai Peter uya iwenaimappù, mei ite'mappù pàk.

John 18:18

Iko pe iwechippù màlàpàk apyoto yamùk molopai ennàinan uya apok pottàppù, molopai tok wechippù satippe iwoi, tùwa'no kon pàk. Peter wechippù nàlà satippe tok piyau tùwa'no pàk.

John 18:25

Peter wechi molo satippe tùwa'no pàk tùse. Kappon uya yekamappoppù, “Àmàlà nàlà ku mùkkàlà ya'lon nà, ewaik na'?” tukaik. Peter uya yeikuppù, “Kane, Iulà pen,” tukaik.