Mark 14:41 - Patamuna New Testament Revised

⁴¹ Icholùwano itekkwa pe tu'ma iyàpùppù. Màlàyau tok pàk. “Mewe'nùnyatàu lùppù ichi? Màlàka'satàu lùppù na'?” tukaik tok yekamapoppù ya. “Eichilà man, Yattai iwenasak man! Kàyik Mumu tùsak man àliton yemyak,” teppù ya.

Mark 14:41 ပူးပေါင်းရင်းမြစ်များ

Matthew 26:2

“Mùttuyatàik, asa'là wei tùpo Usentaka'nàppà Yattai Uta'lettàntok wechi, molopai Kàyik Mumu tùlù màlà ipukapàttoppe pulusuk pona.”

Mark 14:10

Judas Iscariot, Jesus nenupa ton tonpa, utàppù paatele yamùk yennàinan piyak tok yemyak Jesus tù toppe tùuya.

Mark 14:18

Màlàyau tùuta'lettà kon yau, Jesus uya, “Ailon kulu sàlà, tewinan nà uya utùlù màlà uwàtoppe. Upokon pe là nùta'lettàyai'nùk, mùkkàlà uya,” teppù.

Mark 14:35

Màlàyau iitàppù mei lùiwa, molopai tùlappak iwenappù non pona molopai iwàpùlemappù màlà. Tùwekkussen pe iwechi yau, tàwà tùwettalumattàtok usentaka toppe tùwinàpai.

Mark 14:40

Màlàyau iwennappoppù tukkappù tùnenupa ton piyak molopai tok we'nùn tu'masak yepoloppù ya. E'molonnùppe tok wechi. Màlàyau yà'là tukaik imaimu yeitok tùuya'nokon ittu tok uya pùla iwechippù.

Mark 14:42

“E'wuluukatàk kon. Utàn nokon sàlà. Yentàk utùnàippù mei pùla man!” teppù Jesus uya.

Mark 7:9

Jesus uya tok pàk, “Katù uya enupantok nulunpatok auya'nokon yawà molo man, eyeselu kon neken nen uchi kupù kon pa.

Mark 9:31

masapùla tùnenupa ton yenupa pàk iwechippù. “Kàyik Mumu tùlù màlà kappon yamùk yemyak. Tok uya iwànà màlà, tùse kan àsolùwau wei tùpo iwe'wuluuka màlà tà,” tukaik.

John 12:23

Jesus uya tok maimu yeikuppù, “Wei uyàssak man, mùkkàlà Kàyik Mumu, yanùntok namantok patassek yak yattai.

John 12:27

“Sàlà pe Uyewan nùtaimelunpayan, molopai yà'là te uya? ‘Ukàipùnù, sàlà wei winàpai kùpùikatàkà,’ te uya ka'lù? Kane, sàlà pàkànsau uyàssak sàlà, sàlà wei motak.

John 17:1

Sàlà yamùk pàk tùuselupa tùpo, Jesus uya tenu tùlùppù epùn winàkàik molopai iwàpùlemappù, “Ukàipùnù pata weyu uyàssak man. Àmu uchi inonkakà namantok patassek yak molopai Àmu uya anamatoppe.

John 7:30

Màlàpàk kulu anachipai tok wechippù, tùse ànù'là uya temyatù tùlùppù ipàk pen, masapùla iweyu uyàssak pùla lùppù iwechi pàk.

John 8:20

Sàlà màlà Jesus uselupappù Katù yùwùk tawon pùlayatta pilittok yak motau echii'ma, tùse ànù'là uya yachippù pen, masapùla iweyu uyàssak pùla lùppù iwechi pàk.

Yeunossak kon Wotokoyi 7:52

Molo na' tewin nà Katù Maimu yenpoikanài wechippù atamo kon yamùk nùtalumattàppù pen? Tok uya Katù Maimu yenpoikannan tùkkappù, mùkyamlo Wakù pe tùwessen uyàpù yekaman nan nùssan pena. Molopai sàlà pe yeimipoppù auya'nokon molopai iwànàppù auya'nokon.