Mark 14:38 - Patamuna New Testament Revised

³⁸ “Enpen ettàk kon molopai àpùlematàk eyittutok yak àutà kon tukaik. Ayakkwalù kon nen alikyek pe man, tùse atu'mùla àpun kon man,” teppù Jesus uya tok pàk.

Mark 14:38 ပူးပေါင်းရင်းမြစ်များ

Matthew 24:42

Enpen uchi ettàk kon! Masapùla yà'là yattai Eyepulu kon uyàpù ittu auya'nokon pùla man.

Matthew 25:13

“Enpen uchi ettàk kon, masapùla Kàyik Mumu uyàttok weyu ittu auya'nokon pùla man,” teppù Jesus uya.

Matthew 26:41

“Enpen ettàk, molopai àpùlematàk kon ittuntok yak àutà kon tukaik. Akkwalù ànkuppai man tùse pun attu'mùla man,” teppù ya.

Matthew 6:13

Ina kùsettùtak sa'man ittuntok yak, tùse Ene Makui winàpai làkku ina ikukkà, Masapùla àponalok màlà itepulu pe we'nàtok epùn po, molopai apàikkek, molopai apulàntok tàwàlàlà. Emen, tukaik, teppù Jesus uya.

Mark 14:34

Màlàyau tok pàk, “Uyakkwalù sa' tùusewankono'matok yau kulu man, uyelikka ya kasa lànen! Talà ettàk kon molopai enpen ettàk kon,” teppù ya.

Mark 14:37

Iwennapoppù tùnenupa ton piyak, molopai tok we'nùnsak yepoloppù ya. Màlàyau Peter pàk, “Simon, ewe'nùnsak na' màlà? Mala lùkwà là na' enpen ewechi meluntàlù pùla iwechi màlà?” teppù ya.

Mark 14:39

Molopai ittà tukkappù àpùlemaik, màlà lùppù pe iwàpùlemappù.

Luke 21:36

Enpen ettàk kon molopai àpùlematàk kon tàwàlà, meluntà pe ewechi kon pa sàlà yamùk wekkupù yawàlà àutà kon yau, molopai Kàyik Mumu yemloto po àwà'mùssakka kon pa,” teppù Jesus uya.

Luke 22:40

Màlà pata yak tùuyàssak yau, “Àpùlematàk kon ittuntok yak ewettùlù kon tukaik,” teppù ya tok pàk.

Luke 22:46

Molopai Jesus uya tok pàk, “Yà'là peichi iwechi pàk mewe'nùnyatàu? E'wuluukatàk kon molopai àpùlematàk kon ittuntok yak ewettùlù kon tukaik,” teppù ya.

1 Corinthians 16:13

Elanneppe ettàk kon, ailon tetok yau meluntà pe ettàk kon, katamatàu, tùusenalippaik pùla ettàk kon.

Galatians 5:17

Masapùla àli ànkuppai we'nàtok wechi màlà Akkwalù wettok iche pe pùla molopai Akkwalù wechi màlà àli ànkuppai we'nàtok wettok iche pe pùla. Echiche pùla tok wechi màlà. Màlàpàk iche ewettok kon kupù auya'nokon pen.

Philippians 2:12

Màlàpàk uchi, utonpa yamùk, tàwàlà mayin yawàlà ewechippù kon apyau'nokon wechi yau. Tùse sàlà pe apyau'nokon pùla là wechi tùse màlà yentak lùiwa yawàlà ewechi kon màlà. Màlàpàk e'wotokomatàk kon, tùwe'namaik molopai tùplànài'nùnse Katù ponaloppe ewechi kon yekama pe.

1 Peter 5:8

Tùttuik ettàk kon enpen ettàk! Masapùla eyeyaton kon, Makui, tùusalà pàk man, tùtàwùsen palauya kasa, ànù'là iwa pàk tùneuno'ma woton.

Revelation 3:10

Umaimu yawàlà ewessak man pàlikanài pe. Màlàpàk wakù pe nàlà àkupù uya màlà talumattàntok yattai. Nùyàssai'nùk tamù'nawolon non pona tamù'nawà kappon yamùk sàlà non pon kon ittuse.