Mark 14:36 - Patamuna New Testament Revised

³⁶ Màlàyau iwàpùlemappù, “Ukàippùnù, Ukàippùnù, tamù'nawolon kuttok auya yapàiketù molo man. Sàlà wettalumattàtok yamakà uwinàpai. Tùse iche wettok kùkkupùi iche làkku ewettok ikukkà,” tukaik

Mark 14:36 ပူးပေါင်းရင်းမြစ်များ

Matthew 26:39

Iitàppù màlà mei lùiwa, molopai non pona itenpata iwekkawai'mappù molopai iwàpùlemappù, “Ukàipùnù, ikupù auya pe iwechi yau, sàlà wettalumattàntok pùsawù yamakà uwinàpai! Tùse iche wettok pen, tùse iche làkku ewettok,” tukaik.

Matthew 26:42

Yakon itekkwa pe tu'ma Jesus utàppù, molopai iwàpùlemappù, “Ukàipùnù, sàlà wettalumattàntok pùsawù yama uwinàpai pùla iwechi yau, tùse inchichak uya yau neken, eyeselu wekkupù màlà,” tukaik.

Matthew 6:9

Sàlà kasaichi mapùlematàik, ‘Ina Kàipùnù epùn pon, tàwà wakù eyesek tùnamasen pe nechii.

Mark 10:27

Jesus uya tok yeneppù, molopai tok maimu yeikuppù ya. “Kappon pona sa'man pe iwechi màlà, tùse Katù pona pùla. Tamù'nawolon màlà sa'man pen Katù pona,” tukaik.

Mark 10:39

Tok uya imaimu yeikuppù, “Ina uya ikupù màlà, ” tukaik. Màlàyau Jesus uya tok pàk, “Màlà tinchiyai'nàk, inchi auya'nokon, molopai usenpataukatok ike ke eusenpatauka kon,” teppù.

Mark 14:37

Iwennapoppù tùnenupa ton piyak, molopai tok we'nùnsak yepoloppù ya. Màlàyau Peter pàk, “Simon, ewe'nùnsak na' màlà? Mala lùkwà là na' enpen ewechi meluntàlù pùla iwechi màlà?” teppù ya.

John 12:27

“Sàlà pe Uyewan nùtaimelunpayan, molopai yà'là te uya? ‘Ukàipùnù, sàlà wei winàpai kùpùikatàkà,’ te uya ka'lù? Kane, sàlà pàkànsau uyàssak sàlà, sàlà wei motak.

John 18:11

Màlàyau Jesus uya Peter pàk, “Akasupalayi yemaikakà iten yak! Ukàipùnù uya na' ulepatok kok yawon inchi uya pen sàlà?” teppù.

John 4:34

Jesus uya tok pàk, “Uyekkyali màlà uyeuno'nàippù yeselu kupù molopai wotoko intùlùppù ikuttoppe uya yenuka'nùppù.

John 5:30

“Uyiwalà yà'làlà kupù uya pen màlà. Katù uya neken yekama yeta uya pàkàlà màlà ittu uya, màlàpàk ittuntok uya wechi màlà ailon pe. Masapùla uyiwalà iche wettok kupù uya pen sàlà, tùse Ukàipùnù uyeuno'nàippù yeselu kupù uya.

Galatians 4:6

Masapùla tùmunkà pe ewechi kon pàk Katù uya Tùmu Yakkwalù yeunokoppù màlà kùyewan kon yak, Akkwalù mùkkàlà yekamapponài “Ukàipùnù, Ukàipùnù,” tukaik.

Philippians 2:8

Kappon pe là iwechippù. Àssà'mùla iwenappù màlà molopai mayin yawàlà weli'nàtok yanùmùppù ya, pulusuk po weli'nàtok.

2 Timothy 2:13

Ailon pe pùla lànen we'nà'nokon ipàk tùse, ailon pe lùppù tùwessen mùkkàlà. Masapùla ailon pe pùla iwechi tùpàk pùla iwechi màlà,” tukaik.

Titus 1:2

màlà enpen we'nàtok, tàwàlàlà wema'nàtok po iwekkusak. Katù, kasei pe tùwessen pen uya, kùlepa kon tùuya teppù lùppù sàlà wema'nàtok, sàlà non molopai yawon kon wepyatà wapiya,

Hebrews 6:18

Màlàpàk sàlà yamùk asa'lon molo man, tùwemyakanmasan pen, Katù ukaseitatok ipàk pen. Wapiyalok ikupù tùuya tetok ya Abraham pàk molopai yakon pe meluntà pe wa teppù ya. Màlàpàk uchi kùmyamlo iwepesak kon pe nai'nannùk Katù piyak, epùikattàse umeluntàtasak man, utachinsak nokon enpen we'nàtok kùyemloto kon pona itùsak nai'nùk pàk.