Mark 13:26 - Patamuna New Testament Revised

²⁶ Kàyik Mumu usenpoika màlà katuppluk yau. Iyàppù eke pe tùmeluntàlù ke molopai tùyakkwayi yau.

Mark 13:26 ပူးပေါင်းရင်းမြစ်များ

Matthew 16:17

“Simon, Jonah mumu, ipùlemasak àmàlà! Masapùla sàlà usenpoikappù kappon winà là pen màlà tùse Ukàipùnù epùn pon winà.

Matthew 16:27

Masapùla Kàyik Mumu uyàpù màlà tùkàipùnù yakkwayi molopai yapulàtok yau tùyinchelùyi yamùk pokonpe, molopai nen uchi tamù'nawolon kon ye'ma ya màlà tok nùkupùppù yawàlà.

Matthew 16:28

Ailon kulu sàlà, tùulon kon satippe man tùwelikù woton kon pen Kàyik Mumu uyàpù Kin pe yene tùuya'nokon ponalà,” teppù Jesus uya.

Matthew 24:30

Màlàyau nen uchi Kàyik Mumu yentok ipàkàlà woton usenpoika màlà kak yau. Màlàyau nen uchi tamù'nawolon kon kappon yamùk non pon kon kalawù màlà. Kàyik Mumu uyàpù katuppluk po epùn poi, meluntà pe molopai eke pe akkwa pokonpe yene tok uya màlà.

Matthew 25:31

“Kàyik Mumu uyàssak tapulàtok yau tùyinchelùyi yamùk pokonpe yau, chichiu pe iwechi màlà akkwa wakù tapon po.

Mark 14:62

Jesus uya imaimu yeikuppù, “Iulà mùkkàlà,” molopai Kàyik Mumu wechi màlà chichiupe yene auya'nokon tùmeluntàlù kenan kamik pen. Tamù'nawàlà Apàikkek winà, molopai iyàpù yene nàlà auya'nokon màlà epùn poi katuppluk yau,” tukaik.

Mark 8:38

Ànù'là upàk tùwekuli'masen molopai umaimu pàk nàlà sàlà pe nai'nannùk àliton kappon yamùk kùlottau, mùkkàlà pàk nàlà, Kàyik Mumu wekuli'ma màlà, tùkàipùnù yakkwayi yau tùuyàpù, wakù ton tùyinchelùyi yamùk pokonpe tùuyàpù yau,” teppù Jesus uya.

Mark 9:1

“Ailon kulu sàlà, talà kappon yamùk man tùwelikù woton kon pen Katù wettok itepulu pe uyàpù tapàikketù ke yene tùuya'nokon wapiya,” teppù Jesus uya.

Luke 21:27

Màlà yattai nen uchi Kàyik Mumu usenpoika màlà. Iyàpù màlà katuppluk yau meluntà pe molopai tapulàtok yau.

Yeunossak kon Wotokoyi 1:11

“Kàyik yamùk Galilee pon kon, yà'là pe ken iwechi pàk kak yenupàkà ewechi kon màlà? Pùsàlà Jesus Epùn pona yanùmù nepàssai'nùk ewinàpai'nokon, mùkkàlà tùuyà tu'ma woton epùn pona iità menpàssatài'nùk kasa,” teppù tok uya.

1 Thessalonians 4:16

Eke wentaimentok wechi màlà molo meluntà pe kan, inchelù yepotolù maimu useta màlà, Katù wayi tàwù màlà molopai nen uchi Itepulu uttù màlà epùn poi! Mùkyamlo iwelichak kon ailon tei'ma Christ pàk we'wuluuka màlà wapiya.

2 Peter 1:16

Ikuppàssak kon nà panton yekama ina uya pùn Kùyepulu kon Jesus Christ uyàpù meluntà pe yekama ina uya àpàkù'nokon yau. Tùse tenu kon ke ina uya itakkwayi yeneppù.

Revelation 1:7

Yentàk, nùyàssan katuppluk yau! Tamù'nawolon kon uya yene màlà. Mùkyamlo ipukapà'nài nan nùssan uya là. Tamù'nawolon kon kappon yamùk sàlà non pon kon usewankono'ma màlà iwenai. Ewaik, màlà kasa iwettok woton! Emen.