Mark 12:40 - Patamuna New Testament Revised

⁴⁰ Itayappù iwelichak lùppù yùwùk mokkan nan mùkyamlo, kusan pe tùwàpùlemassan wakù pe tùwechi kon pe tukaik. Tok uya màlà eke kulu wettalumattàntok yepolo,” teppù Jesus uya.

Mark 12:40 ပူးပေါင်းရင်းမြစ်များ

Matthew 23:13

“Àsà pe kulu iwechi màlà àpona'nokon, Law pàk enupannan molopai Pharisee yamùk! Tùusennakasan amyamlo! Kappon yamùk wakkà'nàinan, itepulu pe we'nàtok epùn po mùlatta takkose. Màlà yak amyamlo utà pen màlà molopai tùulon kon utàtoppe tok kupù auya'nokon pùla man.

Matthew 23:14

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Itayappù iwelichak kon yemamin molopai tok patassek mokkannan. Molopai nàlà kusan pe tùwàpùlemasan amyamlo, kappon yamùk uya neken yentoppe. Sàlà wenai atalumattàtok kon wechi màlà àsà peiwa.

Matthew 23:33

Àkài yamùk, molopai àkài yamùk munkà! Yà'là kasa ken uchi ewepe kon apok patassek yak àutà kon winàpai pe mùttuyatàu?

Matthew 6:7

“Àwàpùlema kon yau tukke itesek lùppù pe neken kentakklomatàu, Katù ittunnan pen kasa là, tukke tùuselupa kon pàk Katù uya teta kon pe yekamannan.

Mark 12:39

Molopai wakù kulu aponok po eppai nokon synagogues tau, wakù kulu uta'lettàntok patassek motau eppai nokon.

Luke 20:47

Itayappù iwelichak lùssan patassek yama'man nan mùkyamlo. Kusan pe nàlà tùwàpùlemasan kappon yamùk uya neken tentok kon pe. Pùsamlo talumattàtok wechi màlà eke pe kulu,” tukaik nàlà ta'lon kon panattàppù ya.

2 Corinthians 11:20

Ànù'là apyoto pe àku'nài'nokon pàlikannan amyamlo, wapùla mùkkàlà eyeka'nonkanài'nokon yà'làlà kupù kon pa, wapùla yà'làlà itesak pe ewettok kon mokanài, wapùla tùtalumayi pe eyennài nokon, wapùla eyenpata kon ippo'nài.

2 Timothy 3:6

Pùsamlo yekkwa ton mùkyamlo tùutàsan tapùi tak kappon wanmùla molopai attu'mùnon ulichan yamùk yentaikannan tok uya tùmaimu kon ke, tok makuyi nelemluku ton molopai yà'là walainon nà ànkuppai we'nàtok nalà ton.