Mark 12:37 - Patamuna New Testament Revised

³⁷ David uya tùmàlà pe Christ yesatù ‘Uyepulu’ tukaik tùse, yà'là kasa ken uchi ipa pe iwechi màlà?” teppù Jesus uya tok pàk. Tukkan kon kappon yamùk uya Jesus uselupa yetappù tùutauchinpaik.

Mark 12:37 ပူးပေါင်းရင်းမြစ်များ

Matthew 1:23

“Ema'non kàyik nappàtùppù pen wena màlà monoppe molopai iwentu walawoppe, molopai yesatù màlà Immanuel tukaik,” teppù ya. Katù kùpyau'nokon man te ya pe iwechi. {ISA 7.14}

Matthew 11:25

Màlà yattai Jesus uya wateppù, “Ukàipùnù, epùn molopai non yepulu! Tenki ukayaik àpàk. Masapùla pukkek ton molopai ichenupasak kon winàpai ànonamùppù yenpoikasak auya, mule yamùk yemyak pàk.

Matthew 11:5

“Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Matthew 21:45

Eke ton paatele yamùk yepulu molopai Pharisee yamùk uya Jesus pantomù yetappù màlà molopai tùpàkù'nokon ichelupa pe tok uya ittuppù.

Matthew 21:46

Màlàpàk tok wechippù Jesus yachiiche. Tùse tok usenalippù tukkan kon kappon yamùk, Jesus wechi Katù Maimu yenpoikanài pe ittunnan pàk.

Luke 19:48

Tùse yà'là kasa là ikuttok tùuya'nokon yepolo tok uya pùla iwechippù, masapùla tamù'nawolon kon kappon yamùk wechippù màlà iichelupa yeta pàk.

Luke 21:38

Tamù'nawàlà kappon yamùk utàpàtùppù Katù yùwùk tak ko'làma'ne ichelupa yetase.

John 12:9

Tukkan kon Jew yamùk uya molo Jesus wechi Bethany po yetappù, màlàyau tok utàppù Jesus pàkànsau neken pùla, tùse Lazarus nàlà iwelichak yau inwuluukappù lùppù yense.

Romans 9:5

Amoko yamùk inamasak kon nùssan payan yamùk mùkyamlo, molopai Kùlaik , kappon pe iwettok yau, mùkkàlà tok winàpaino. Tàwà uchi Katù tamù'nawolon yepoi itepulu pe nechii, yapulà nechii tàwàlàlà! Emen.

1 Timothy 3:16

Ewaik lù'na'mà lù tetok pùn màlà ailon tetok kùuya'nokon eke kulu. Ichenpoikappù kappon pun yau, ailon pe iwechi yenpoikappù Wakù Akkwalù uya, molopai inchelù yamùk uya yeneppù. Kappon yamùk kùlottau Jesus yekale yekamappù màlà, tukkan kon kappon yamùk, wolù yawolon kon uya ailon teppù ipàk, molopai yanùmùppù epùn pona.

James 2:5

Yetatàk kon, utonpa yamùk! Katù uya entuppa'nokon, yà'là pùnon kappon yamùk sàlà wolù yawon kon yanùnsak màlà eke pe ailon tetok yesappe tùwessan pe molopai Katù wettok itepulu pe yesappe tok wettoppe itùlù tùuya tù'nùnmannan yemyak teppù ya lùppù.

Revelation 22:16

“Iulà Jesus uya, uyinchelùyi yeunossak nai'nùk sàlà yamùk yekamase àpàkù'nokon sochi yamùk tau. David pa Iulà, akkwa Ko'làmalok Kaiwonok, Iulà,” teppù Jesus uya.