Mark 12:35 - Patamuna New Testament Revised

³⁵ Jesus uya kappon yamùk yenupa Katù yùwùk tau yau, “Atta ken uchi iwechi pàk màlà Law pàk enupannan uya Christ mùkkàlà David pa te nai'nùk?” teppù.

Mark 12:35 ပူးပေါင်းရင်းမြစ်များ

Matthew 26:55

Màlàyau tukkan kon kappon yamùk iyàssak kon pàk, “Tùtaikepu ke molopai tùkasupalayi ke'ne ken na' uchi àuyàssak kon màlà uyachiche nai'nùk, amak yense utàn kasa là? Wei kaichalà ku chichiu pe wechippù tà Katù yùwùk tau, kappon yamùk yenupa pàk, molopai uyachi auya'nokon pùn.

Matthew 9:27

Jesus uya màlà pata nàmàppù màlà, molopai iità tùse asa'lon kon enpùnon kàyik yamùk uya iwenaimappù, “Ina pàk esentuppakà David Mumu!” tukaik tok wentaimeppù.

Mark 10:1

Màlà pata nàmàppù nen uchi Jesus uya molopai iitàppù Judea pona tuna Jordan pàk màwinàkàik. Kappon yamùk wepilittukkappù ipyak, molopai tok yenupappù ya tùwessek kasa là.

Mark 11:27

Tok welepantukappù Jerusalem pona. Molopai Jesus usalà Katù yùwùk tawàlà tùse, eke ton paatele yamùk molopai Law pàk enupannan molopai tùulon kon eke ton nàlà uyàpùppù ipyak.

Mark 14:49

“Wei kaichalà apyau'nokon wechippù Katù yùwùk tau eyenupa kon pàk, tùse uyachi auya'nokon pùn. Tùse sàlà wekkupù màlà Katù Maimu we'menukasak nai'nùk kasa,” teppù Jesus uya.

Luke 19:47

Jesus uya kappon yamùk yenupappù màlà Katù yùwùk tau wei kaichalà. Tùse paatele yamùk yepulu ton, Law pàk enupannan, molopai kappon yamùk yennài nan wechippù màlà ànwàpai.

Luke 20:1

Tewin wei yattai Jesus wechi Katù yùwùk tau kappon yamùk yenupa pàk molopai Wakù Itekale yekama pàk tùse paatele yamùk yepulu ton, Law pàk enupannan, molopai tùnamasan kàyik yamùk tawonnan uyàpùppù màlà ipyak,

Luke 21:37

Jesus uko'manpàtùppù màlà Katù yùwùk tau kappon yamùk yenupa pàk, molopai ko'man pe iwenasak yau iitàpàtùppù Olives Tùpù pona, molo esse ewalupàttau.

John 18:20

Jesus uya imaimu yeikuppù, “Uselupasak man ayupo wolù uya yeta tùse. Tàwàlàlà tok yenupappù uya màlà Jew yamùk wepilittok itak tau. Molopai Katù yùwùk tau, tamù'nawàlà Jew yamùk wepilittok yau, molopai uselupasak man amak yai pùla.

John 7:42

“Katù Maimu uya na' yekamasak pùla nai, David payan winà Christ uyàttok woton, David wemattok yau pata Bethlehem yapai tukaik?” teppù tok uya.