Mark 12:28 - Patamuna New Testament Revised

²⁸ Tewinnà Law pàk enupannan tonpa uyàpùppù uselupan yetase. Wakù pe Sadducee yamùk maimu yeiku Jesus uya yetasak tùuya pàk iyàpùppù ipyak yekamappoik. “Tamù'nawolon enupantok kùlottau i'nai wechi màlà tùkussen pe kulu tùulon kon yentai?” tukaik.

Mark 12:28 ပူးပေါင်းရင်းမြစ်များ

Matthew 19:18

“Yà'là yekkwaichi enupantok?” tukaik Jesus yekamappoppù ya. Màlàyau yeikuppù ya, “Ànù'là kù'wànài, ànoppù pen pokonpe kechii, amak pe kechii, kasei pe kechii.

Matthew 23:23

“Àsà pe kulu iwechi màlà àpona'nokon Law pàk enupannan, molopai Pharisee yamùk! Tùusennakasan amyamlo! Katù lepanàinan amyamlo tewin 10 pan itesappe ewettok kon yapai, kùyali kà'nùnpanàinan là mint, dill molopai cummin ke, tùse tùkussen kulu law yawon uya enupantok nulunpannan amyamlo, ikasa we'nàtok, usentuppantok molopai ailon pe we'nàtok. Sàlà yamùk kupù auya'nokon sàlà eppaino wapiyalok tùnulunpase pùla.

Matthew 5:19

Màlàpàk uchi, ànù'là malalon nà Law yawolon pen, molopai tùulon kon yenupanài tok uya màlà lùppù kuttoppe, yesatù màlà tamù'nawolon kon ma'le itepulu pe we'nàtok epùn po yau. Tùse ànù'là law yawolon, molopai tùulon kon yenupanài imaimu yawàlà tok wettoppe, yesatù eke pe màlà itepulu pe we'nàtok epùn po yau.

Mark 9:14

Ta'lon kon piyak tùwelepansak kon yau, tukkan kon kappon yamùk wechi tok woi yeneppù tok uya. Molopai Law pàk enupan nan usàulàma tok pàk.

Luke 11:42

“Àsà pe iwechi màlà àpona'nokon Pharisee yamùk! Katù lepan nan amyamlo tewin'ne, itesak pe ewettok kon yapai kùyali kà'nùnpatok mint ke, rue ke molopai tùulon kon nà là tùkà'nùnsan ke. Tùse wakù pe ikasa Katù pùnùnmatok nulunpan nan amyamlo. Sàlà yamùk làkku ànkupù kon pan itonpa tùnulunpaik pùla tùse.

Luke 20:39

Law pàk enupannan tonpa yamùk uselupappù, “Wakù pe wa mùkapàssaik, Enupanài!” tukaik.