Mark 12:17 - Patamuna New Testament Revised

¹⁷ Jesus uya tok pàk, “Pata yesak, Rome pon piyak ye'matàk màlà, pata yesak Rome pon ponalok, molopai Katù piyak ye'makà màlà Katù ponalok,” teppù. Màlàpàk tok usenumenkappù ipàk.

Mark 12:17 ပူးပေါင်းရင်းမြစ်များ

Matthew 22:21

“Caesar” tukaik tok uya yeikuppù. Màlàpàk Jesus uya, “Caesar yemyak iponalok itùtàk kon molopai Katù yemyak iponalok itùtàk,” teppù.

Matthew 22:22

Sàlà yetasak tùuya'nokon yau, tok usenumenkappù kulu màlà, molopai tok uya inàmàppù.

Matthew 22:33

Sàlà yetasak tùuya'nokon yau tukkan kon kappon yamùk usenumenkasak wechippù màlà enupantok ya pàk.

Matthew 22:46

Ànù'là pùla iwechippù màlà Jesus yeiku woton, molopai màlà motapai ànù'là usenumenkappù Jesus yekamappo pàk tùulon ekamappontok ke pen.

Matthew 8:10

Jesus usenumenkasak wechippù màlà sàlà yetasak tùuya yau, molopai ta'lon kon pàk, “Ailon kulu sàlà, sàlà yekkwa ailon tetok yensak uya pùla man ànù'là yau Israel po.

Mark 12:16

Màlàpàk tok uya pùlayatta pun nepùppù. “Ànùk yenpata ken sà, molopai ànùk yesek ken uchi sà?” tukaik tok yekamappoppù ya.Tok uya, “Pata yesak, Rome pon,” teppù ipàk.

Mark 12:30

Itepulu Akatùyi i'nùnmakà, tamù'nawàlà eyewan ke, tamù'nawàlà ayakkwalù ke, tamù'nawàlà eusenumenkatok ke, molopai tamù'nawàlà emeluntàlù ke,’ tawon.

Luke 20:25

Màlàpàk Jesus uya, “Waichi iwechi yau Caesar yemyak iponalok itùtàk kon molopai Katù yemyak iponalok tùlùkonpa,” teppù.

Romans 12:1

Màlàpàk utonpa yamùk, Katù usentuppatok kùpàkù'nokon pàkàlà, apawanattàyatàu Iulà, Katù yemyak nulà, nulànan tùttusen Katù yemyak kasa ettùtàk kon iwotokoyi yak esuken molopai yauchinpanài yeppe. Sàlà uchi màlà ailon kulu namantok molopai yapulàtok àntùlù kon.

Romans 13:7

Tamù'nawàlà ewe'womatok kon me'matàik, pata ponaloppe te'masen pe iwechi yau màlà me'matàik, wapùla yàlàlà yepeppù pe iwechi yau, me'matàik, kappon tùnamaik we'nàtok pe là iwechi yau, kappon mùnamatàik, wapùla kappon yapulàtok pe là iwechi yau mapulàtàik.

Romans 6:13

Màlà tùse pùla àpùkkù kon kùsapulàtàu àli ponaloppe, àli pàkànsau yapulàtoppe. Tùse làkku Katù yemyak ettùtàk kon, kappon yamùk inesak kon weli'nàtok yapai wema'nàtok yak kasa molopai tamù'nawàlà ettùtàk kon itemyak wakù iwalai ponaloppe ayapulàtoppe.

1 Peter 2:17

Tamù'nawolon kon kappon yamùk inamatàk kon, ànù'là kappon ailon tawonnan i'nùnmatàk kon, nalik pe ettàk Katù pàk, molopai eke kulu itepulu inamatàk kon.