Mark 12:15 - Patamuna New Testament Revised

¹⁵ Tùse tok usennaka itui'ma tok pàk, “Yà'là peichi iwechi pàk uyachiiche ewechi kon màlà? Pùlayatta pun inettàk kon yentoppe uya,” teppù ya tukka tok pàk.

Mark 12:15 ပူးပေါင်းရင်းမြစ်များ

Matthew 20:2

Tùwe'wotokomasan ye'matok tùuya konekappù ya màlà tok pokonpe, tewin chilùpa pun iwessek kasa là. Molopai tok yeunokoppù ya e'wotokomase tù'mà yak.

Matthew 22:18

Jesus uya àli kupù pàk tok wekkupù ittuppù. Màlàpàk, “Tùusennakasan amyamlo! Yà'là peichi iwechi pàk uyittuiche ewechi kon màlà?

Mark 10:2

Pharisee yamùk tonpa yamùk uyàpùppù ipyak yekamappopàsse ittuiche, “Masa ina pàk yekamakà, yà'là tawon ken Moses winàpaino kàyik uya tùnoppù nonka pàk?” tukaik.

Mark 12:14

Tok uyàpùppù ipyak molopai yekamappoppù tok uya. “Enupanài, ailon pe tùuselupassen pe ewechi ittuyan ina. Yà'là tukaik sa' kappon yamùk nùsenumenkayan ko tukaik là tùutaimelunpasen pen àmàlà. Masapùla ànùk pe là kappon wechi ittuiche tùwessen pen, tùse ailon pàk enupanài àmàlà Katù yeselu kappon ponalok pàk. Ina pàk tàwà yekamakà. Ikasa pùla na' iwechi pùlayatta ye'ma Rome pon pata yesak yemyak? Ina uya ken na' ye'ma, wapùla kane?” tukaik.

Mark 12:16

Màlàpàk tok uya pùlayatta pun nepùppù. “Ànùk yenpata ken sà, molopai ànùk yesek ken uchi sà?” tukaik tok yekamappoppù ya.Tok uya, “Pata yesak, Rome pon,” teppù ipàk.

Luke 20:23

Tùse Jesus uya tok usennakatok yawàlà yeneppù molopai tok pàk,

John 21:17

Jesus uya Peter pàk icholùwano itekkwa pe, “Simon, John mumu, à'nùn pe na' kùkussan?” teppù. Peter upokoitappù masapùla Jesus uya tùpàk icholùwano itekkwa pe, “À'nùn pe kulu na' kùkussan?” te pàk. Molopai Peter uya ipàk, “Uyepulu, tamù'nawolon mùttuyaik, mùttuyaik u'nùn pe àkupù uya,” teppù. Jesus uya ipàk, “Uyùkùn non kalinilu yamùk mewetùik,” teppù.

John 8:6

Wa tok uya yekamappoppù màlà yachitok tùuya'nokon iwinà pe, italumattàtok tùuya'nokon ipàkàlà pe. Tùse Jesus wepeimappù molopai non menukappù ya temyatù ke.

Yeunossak kon Wotokoyi 5:9

Màlàyau Peter uya, “Yà'là peichi iwechi pàk Itepulu Yakkwalù ittuiche asak ewessak kon màlà? Masa yetakà, kàyik yamùk atayappù wu'nattàn nan nùssan manatta po man, molopai eyenpakka nàlà tok uya màlà!” teppù ipàk.

1 Corinthians 10:9

Ittuntok yak itepulu tùlù kùsettakù'nokon, tùulon kon uya ikupùppù kasa, molopai tok u'matùppù àkài yamùk kamo pe.

Hebrews 4:13

Yà'làlà wechi yonansappe pen màlà Katù winàpai, tamù'nawolon inkonekappù yau. Tamù'nawolon wechi màlà ayupo itenu yau. Molopai tamù'nawolon ikussak lùppù yekama màlà ipàk ailon pe.

Revelation 2:23

Imunkà yamùk tùkka uya nàlà màlà, màlàyau nen uchi tamù'nawolon sochi yamùk uya Iulà pe iwechi ittu màlà, kappon yamùk yewan molopai tok usenumenkatok ittunài pe. Tamù'nawàlà amyamlo ye'ma uya màlà ànkupùppù yawàlà tewinpàk.