Mark 12:14 - Patamuna New Testament Revised

¹⁴ Tok uyàpùppù ipyak molopai yekamappoppù tok uya. “Enupanài, ailon pe tùuselupassen pe ewechi ittuyan ina. Yà'là tukaik sa' kappon yamùk nùsenumenkayan ko tukaik là tùutaimelunpasen pen àmàlà. Masapùla ànùk pe là kappon wechi ittuiche tùwessen pen, tùse ailon pàk enupanài àmàlà Katù yeselu kappon ponalok pàk. Ina pàk tàwà yekamakà. Ikasa pùla na' iwechi pùlayatta ye'ma Rome pon pata yesak yemyak? Ina uya ken na' ye'ma, wapùla kane?” tukaik.

Mark 12:14 ပူးပေါင်းရင်းမြစ်များ

Matthew 22:16

Màlàyau ta'lon kon tonpa yamùk molopai Herod tonpa yamùk yeunokoppù tok uya Jesus piyak. “Enupanài, ina nùttuyan wakù pe ewechi. Kappon yamùk ponalok ailon, Katù yeselu pàk enupanài àmàlà, yà'là tukaik kappon yamùk usenumenka pàk tùutaimelunpaik pùla, masapùla tamù'nawolon kon kappon yamùk mùkyamlo ekaichalon kon eyenu yau.

Matthew 22:17

Ina pàk uchi yekamakà, yà'là kasa ken mùttuyan? Caesar yemyak na' pata ye'ma wechi màlà ikasa, wapùla kane ka'lù?” tukaik.

Mark 12:13

Pharisee tonpa yamùk molopai Herod ya'lon kon yeunossak tok uya wechippù Jesus piyak, ichelupa winà yachitoppe tùuya'nokon yekamappopàsse.

Mark 12:15

Tùse tok usennaka itui'ma tok pàk, “Yà'là peichi iwechi pàk uyachiiche ewechi kon màlà? Pùlayatta pun inettàk kon yentoppe uya,” teppù ya tukka tok pàk.

Mark 14:45

Molopai tùuyàssak yau, Judas utàppù Jesus piyak asse'ne. Màlàyau, “Ticha,” teppù ya, molopai kismappù ya.

Luke 20:22

Ikasa ken na' màlà Caesar yemyak pùlayatta tùlù ina uya wechi, wapùla ikasa pùla?” tukaik.

Luke 23:2

Molo Jesus talumattà pe tok uselupappù, “Pùsàlà kàyik yepotai ina, ina tonpa yamùk yennaka ya. Caesar yemyak pùlayatta tùlù tok uya tukaik, molopai tùmàlà pe Christ pe nekkuttai, Kin pe,” teppù tok uya.

John 7:18

“Mùkkàlà tùyiwalà tùnkupù pàk tùuselupasen, tùnamatok yepotoppe tùuya, tùse mùkkàlà teuno'nàippù namatok ponaloppe ne'wotokomayai'nùk mùkkàlà ailon kulu, kasei pùla iwechi màlà yau.

Romans 13:6

Katù yapyoto pe tùwe'wotokomasan mùkyamlo, tùwotokoyi kon kupù pàk. Sàlà kasa iwechi pàk tùuse'masan amyamlo pùlayatta ke pata yesan yemyak.

2 Corinthians 2:17

Tukkan kon tùulon kon kappon yamùk walai non pen ina mùkyamlo Katù Maimu yapulànnan temamin molopai iche tùwettok kon yepotok tùuya'nokon iwinà pe neken, tùse Katù uya ina yeunossak pàk, tùuselupasan ina ailon pe itemlotopo, Christ yapyoto pe.

2 Corinthians 2:2

Masapùla eyewankono'ma kon uya pe iwechi yau, ànùk wechi ken molo uyewan yapon pe? Mùkyamlo neken kappon yamùk unewankono'massan wechi molo!

2 Corinthians 4:1

Katù uya, tùusentuppatok yau ina lepasak man sàlà wotoko ke. Màlàpàk ina we'nonka pen.

2 Corinthians 5:11

Ina nùttuyan yà'là pe usenalipantok Katù pàk wechi, màlàpàk ina uya itekale yekama sàlà kappon yamùk pàk ailon te toppe tok uya. Katù mùkkàlà ina ittunài tamù'nawàlà, molopai enpen wessaik eyewan kon yau uyittu auya'nokon pàk nàlà.

2 Corinthians 5:16

Màlàpàk sàlà motapai kappon nùttutok yawà ànù'là ittunài pen ina. Pena lànen Christ ittupù ina uya kappon uya ituntok yawà. Màlà ku'nài nan pen nen uchi ina.

Galatians 1:10

Kappon yamùk yapulàtok nepùiche na' wessan, wapùla Katù? Wapùla kappon yamùk yauchinpaiche na' wessan? Kappon yamùk yauchinpaiche lùppù wechi yau, Christ yapyoto pe wechi pen màlà.

Galatians 2:6

Mùkyamlo nàlà eke ton ennàinan pe tukaik tùwessan, ànùk pe là tok wessak uya tùpatalà tok kussak pùla iwechi màlà upona. Masapùla Katù mùkkàlà polopo usennàtok pàk ittunài pen. Mùkyamlo là kàyik yamùk uya uselupatok tonpattàpàssak pùla man.

1 Thessalonians 2:4

Tùse làkku ina uselupa nai'nùk Katù wettok iche kasa, masapùla ina yanùnsak ya nai'nùk molopai Wakù Itekale tùsak ya ina yemyak ina nekama pe. Kappon yamùk yauchinpaiche là ina wechi pen sàlà. Tùse Katù làkku anauchinpapai ina wechi, mùkkàlà ina yeselu ina yewan yau nai'nùk ittunài.