Mark 11:25 - Patamuna New Testament Revised

²⁵ Àwàpùlema yau ànù'là uya àli kussak ewinàkàik ittu auya yau ipàk esentuppakà. Katù, Àkàipùnù epùn pon usentuppatoppe nàlà amakuyi pàk.

Mark 11:25 ပူးပေါင်းရင်းမြစ်များ

Matthew 5:23

Màlàpàk uchi lepantok auya'nokon tùlù pàk ewekkupù kon Katù lepatok patassek yau, tùse àtonpa wechi yà'làlà yesappe ewinàkàik ittu auya'nokon yau,

Matthew 6:12

Ina makuyi pàk esentuppakà. Ina winàkàik iwemakuimassak kon pàk nàlà ina nùsentupayai'nùk kasa.

Matthew 6:5

“Àwàpùlema kon yau, kappon yamùk uya eyene kon iche kettàu, tùusennakasan kasa! Àpùlemapai nokon mùkyamlo satippe Jew yamùk wepilittok itak tau, molopai asanta yena po. Sàlà ku'nàinan mùkyamlo tamù'nawolon kon uya tentok kon pe. Ailon kulu sàlà, tok uya màlà tamù'nawàlà tepeppù kon yepokasak.

Luke 18:11

Pharisee we'wuluukappù molopai iwàpùlemappù, ‘Tenki ukayaik àpàk, Katù, tùulon yemamin iche tùwessen pe pùla wechi pàk, kasei pe pùla wechi pàk, wapùla àli pe tùwelaikasen pe pùla wapùla àli ku'nài pe pùla wechi pàk, tamù'nawolon kon kasa pùla wechi pàk. Tenki ukayaik àpàk mùkkàlà pùlayatta pili'nài kasa pùla wechi pàk.

Luke 18:13

“Tùse pùlayatta pili'nài wechippù satippe mei. Molopai tenpata tùlù ya Epùn winàkàik pùla kulu iwechippù, tùse tùplopo wàpàtùppù ya neken, molopai, ‘Katù, upàk tàwà esentuppakà, Iulà sa'ne, umakuyi yawon!’ tei'ma.

Luke 6:37

“Ànù'là winàkàik àli pe kesenumenkatàu àli pe usenumenkan ewinàkàik tukaik. Ànù'là kùttalumattàtàu, Katù uya atalumattà kon tukaik ànù'là pàk mesentuppatàik molopai Katù usentuppa màlà àpàkù'nokon.

Ephesians 4:32

Tùse làkku tùusentuppaik ettàk kon molopai sa'man pe pùla itewan echiwinàkàik, molopai esentuppatàk kon àpàkù'nokon Katù usentupasak àpàkù'nokon Christ yau kasa.

Colossians 3:13

Eyeselu kon tùpàlikaik ettàk, molopai ànù'là kappon pàk esentupatàk, ànù'là àkklottawon kon usàulàmasak tùulon kon winàkàik yau. Ànù'là pàk mesentupatàik Itepulu Jesus usentupasak àpàkù'nokon nai'nùk kasa làma.

James 2:13

Masapùla Katù uya usentuppantok yenpoika pen màlà kappon ichentuppasak lùppù pen pàk “Àli pe messaik wapùla wakù pe messaik” te tùuya yau; tùse usentupantok màlà “àli pe messaik wapùla wakù pe messaik,” tawon yentaikanài.

Revelation 11:4

Asa'lon kon ekamannan yamùk màlà asa'lon olive yek yamùk molopai asa'lon lanppu yamùk satippe non yepulu Katù yemlotopo tùwessan.