Mark 10:52 - Patamuna New Testament Revised

⁵² “Itàkàichi eye'ma tawà, ailon tetok auya uya màlà àkussak wakù pe,” teppù. Màlà yattai là pata yeneppù ya màlà, molopai Jesus ya'là iitàppù asantawà.

Mark 10:52 ပူးပေါင်းရင်းမြစ်များ

Matthew 11:5

“Enpùn pata yenyan. Tùusasen pen nùsayan. Welei pokon kon uchipittàsak man. Panattàppan netayan. Molopai iwelichak kon wuluukasak man. Molopai Wakù Itekale yekama man entuppa'nokon pàk.

Matthew 12:22

Màlàyau kappon yamùk uya kàyik nepùppù Jesus piyak. Enpùla iwechippù molopai ichelupa pùla, masapùla àli akkwalù wechippù yau. Jesus uya kàyik ipittàppù màlà, ichelupatoppe molopai pata yentoppe ya.

Matthew 15:28

Màlàyau Jesus uya yeikuppù, “Meluntà ailon tetok ya àmàlà, nossan! Iche ewettok wekkupù màlà àponaloppe,” tukaik. Molopai màlà yattai kulu itema'nomù uchipittàppù màlà.

Matthew 21:14

Enpùn molopai sesen pan uyàpùppù màlà Jesus piyak Katù yùwùk tak molopai tok ipittàppù ya.

Matthew 8:3

Jesus uya temyatù yenkappù iwinàkàik molopai yappàtùppù ya. “Eyipittàpai wessaik. Wakù peichi enakà,” tukaik yeikuppù ya. Tewinanpa màlà yattai àsà ipippà wenappù wakù pe.

Matthew 9:22

Jesus welattàppù molopai yeneppù ya, molopai ipàk, “Emeluntàtakà, uyenchi! Ailon tetok auya uya eyipittàsak man,” teppù ya ipàk. Asse'ne màlà yattai nossan uchipittàppù màlà.

Mark 1:31

Màlàpàk Jesus utàppù ipyak. I'màssakappù ya itemyatù pàk. Màlà yattai là iwàkkàmi'makapùppù, màlà pelà tok yeipa woton konekappù ya.

Mark 5:34

Jesus uya ipàk, “Uyenchi, ailon tetok auya uya eyipittàsak màlà. Itàkà wàlà'ka'nàtok yau, ittaimelunpatok pùla enakà,” teppù.

Mark 8:25

Jesus uya temyatù tùtukkappù itenu pona. Sàlà yattai tenu tùlùppù ya, wakù pe nen uchi itenu wechippù màlà, tamù'nawolon yeneppù ya iwettok pe.

Luke 7:50

Tùse Jesus uya nossan pàk, “Ailon tetok auya uya àpùikattàsak man, eyewan wàlàkattok yau itàkà,” teppù.

Luke 9:48

Molopai tok pàk, “Kappon uyesek yau pùsàlà mule yanùnnài uya uyanùmù màlà. Molopai ànù'là uyanùnnài uya nàlà uyeuno'nàippù yanùmù màlà. Masapùla mùkkàlà elekkwà kulu àklottau'nokon, wechi màlà eke pe kulu,” teppù ya tok pàk.

John 9:32

Non weppyattàppù motapai ànù'là uya enpùla iwentusak lùppù yenu yakkokasak man te yetasak pùla man.

John 9:39

Jesus uya, “Uyàssak sàlà, sàlà non pona kappon yamùk yeselu wechi wakù pe wapùla àli pe là yenpoikaik. Enpùnon uya yentoppe molopai yennài nan wenatoppe enpùla,” teppù.

Yeunossak kon Wotokoyi 26:18

Àmàlà wechi màlà tok yenu yakkokanài pe molopai tok lattànài pe ewalupà winàpai akkwa winàkàik, molopai Settan meluntàlù winàpai Katù winàkàik, ailon tetok tùuya'nokon uyau yai tok uya usentuppantok tùmakuyi kon pàk yepotoppe molopai wakù ton yepotoppe tok uya Katù nanùmùssan kùlottau,’ teppù Jesus uya upàk,” teppù Paul uya tok pàk.