Mark 10:48 - Patamuna New Testament Revised

⁴⁸ Kappon yamùk uya eppana iwettoppe yàulàmappù. Tùse iwentaimeppù eke peiwa, “Jesus, David mumu, upàk tàwà esentuppakà!” tukaik.

Mark 10:48 ပူးပေါင်းရင်းမြစ်များ

Matthew 19:13

Tùulon kon kappon yamùk uya mule yamùk nepùppù màlà Jesus piyak temyatù tùtoppe ya tok pona molopai iwàpùlematoppe, tùse ya'lon kon uya kappon yamùk yàulàmappù.

Matthew 20:31

Tukkan kon kappon yamùk uya tok yàulàmappù, “Eppana ettàk kon!” teppù tok uya. Tùse eke peiwa tok wentaimeppù, “David Mumu! Ina pàk tàwà esentuppakà, ina yepulu!” tukaik.

Matthew 9:27

Jesus uya màlà pata nàmàppù màlà, molopai iità tùse asa'lon kon enpùnon kàyik yamùk uya iwenaimappù, “Ina pàk esentuppakà David Mumu!” tukaik tok wentaimeppù.

Mark 10:13

Tùulon kon uya mule yamùk nepùppù Jesus piyak, tok yappàttoppe ya, tùse inenupa ton uya tok yàulàmappù.

Mark 5:35

Masa Jesus uselupa lùppù tùse, itekale ne'nài nan uyàpùppù Jairus yùwùk tapai. “Eyenchi nelikkappàssan. Yà'là pàk tachin pe là Enupanài wanittàpa pàk messan?” teppù tok uya Jairus pàk.

Luke 18:39

Kappon yamùk itemloto pon kon uya yàulàmappù, “Eppana ekkà,” teppù tok uya ipàk. Tùse iwentaimeppù eke peiwa nen uchi, “David Mumu! Upàk tàwà esentuppakà!” tukaik.

Ephesians 6:18

Àwàpùlema kon yau sàlà yamùk ikuttàk kon tamù'nawàlà Katù uya, pùikattàntok yennai'ma. Tàwàlàlà àpùlematàk kon Wakù Akkwalù meluntàlù yau. Màlàpàk tùwekonekaik ettàk kon. Ke'nonkatàu, màpùlematàik tamù'nawolon kon Katù ponalok kon kappon yamùk pona.

Hebrews 5:7

Tùwemapù non po yau Jesus wàpùlemappù màlà molopai Katù pawanattàppù ya eke pe tùkalanse molopai tenupalu tùkkwanse, tùpùikattà toppe ya weli'nàtok winàpai. Katù uya imaimu yetappù màlà masapùla tùmaimu yawàlà iwettùssak tamù'nawàlà pàk.