Mark 10:47 - Patamuna New Testament Revised

⁴⁷ Jesus mùkkàlà Nazareth pon tukaik yetasak tùuya pàk iwentaimeppù, “Jesus, David mumu, upàk tàwà esentuppakà!” tukaik.

Mark 10:47 ပူးပေါင်းရင်းမြစ်များ

Matthew 1:1

Sàlàichi màlà Jesus Christ wentutok pàk imenukasak lùppù. Jesus wechippù David pa pe. David wechippù Abraham pa pe.

Matthew 12:23

Tamù'nawàlà kappon yamùk usenumenkasak wechippù màlà, Jesus nùkupùppù pàk. “David mumu làichi pùsàlà?” tukaik tok usekamappoppù.

Matthew 15:22

Canaan pon nossan màlà pata yau tùwemassen uyàpùppù màlà ipyak, “Uyepulu, David Mumu, upàk tàwà esentuppakà! Uyema'nomù yau àli akkwalù man molopai àsà pe kulu man,” teppù ya.

Matthew 2:23

Tùpata konekappù ya màlà Nazareth po. Sàlà kupùppù ya màlà Katù Maimu yenpoikannan uya, màlà kasa iwechi màlà teppù kasa. “Nazarene pe yesatù màlà,” tawon.

Matthew 20:30

Asa'lon kon enpùnon kàyik yamùk, chichiu pe tùwessan asanta yenapo uya Jesus uya pata yentaka yetappù màlà, màlàpàk tok wessamolùkappù tùwentaime kon pàk, “David Mumu! Ina pàk tàwà esentuppakà, ina yepulu!” tukaik.

Matthew 21:11

“Katù Maimu yenpoikanài pùsàlà Jesus, Nazareth Galilee yawon pon,” tukaik tukkan kon kappon yamùk uya yeikuppù.

Matthew 21:9

Tukkan kon kappon yamùk Jesus wapiya, molopai ite'mappù pàk tùutàssan wessa'molùkappù màlà tùwentaime kon pàk, “David Mumu yapulàtàk kon! Mùkkàlà nùyàssai'nùk Itepulu yesek yau yapulà tàk! Katù yapulà tàk!” tukaik.

Matthew 26:71

Molopai iitàppù pùloloi yak wewonnàtok motak. Tùulon apyoto ema'non uya yeneppù molopai kàyik yamùk molonkonnà pàk, “Pùsàlà nàlà sa' Jesus Nazareth pon ya'là nettai,” teppù.

Matthew 9:27

Jesus uya màlà pata nàmàppù màlà, molopai iità tùse asa'lon kon enpùnon kàyik yamùk uya iwenaimappù, “Ina pàk esentuppakà David Mumu!” tukaik tok wentaimeppù.

Mark 1:24

“Yà'là pe ina wechi iche messan, Jesus Nazareth pon? Ina mattanùsse na' àuyàssak màlà? Eyittuyan Iulà ànùk pe là ewechi. Àmàlà mùkkàlà wakù kulu Katù Maimu yenpoikanài!” tukaik.

Luke 4:16

Màlàyau Jesus utàppù màlà Nazareth pona, temokkappù lùppù yau yak. Molopai Jew wàlàkkattok yattai iitàppù màlà wepili'nàtok itak tak tùwessek kasa. Iwe'wuluukappù màlà Katù Maimu yekamase kaleta yapai.

John 1:46

Nathanael uya ipàk, “Wakù uyapù ken na' Nazareth yapai?” teppù. Philip uya imaimu yeikuppù, “Àikkà, yense,” tukaik.

John 19:19

Pilate uya, “Jesus Nazareth pon, Jew yamùk Kinù,” tukaik imenukasak lùppù tùlùppù pulusuk pona.

John 7:41

Tùulon kon uya, “Christ nen mùkkàlà,” teppù. Tùse tùulon kon uya, “Yà'là kasa ken uchi Christ uyàpù Galilee yapai,” teppù.

John 7:52

Tok uya imaimu yeikuppù, “Àmàlà nàlà na' mùkkàlà Galilee poino? Katù Maimu yau mùwaik kulu molopai yene auya màlà Galilee yapai tùuyàpù woton Katù Maimu yenpoikanài tesak ya pùla iwechi,” tukaik.

Yeunossak kon Wotokoyi 6:14

“Masapùla ina netatai, ‘Pùsàlà Jesus Nazareth pon uya, Katù yùwùk yamokklopù màlà molopai enupantok mùyakanma ya màlà te ya, màlà kan enupantok Moses uya lùppù pàk!’ ” teppù tok uya.

Revelation 22:16

“Iulà Jesus uya, uyinchelùyi yeunossak nai'nùk sàlà yamùk yekamase àpàkù'nokon sochi yamùk tau. David pa Iulà, akkwa Ko'làmalok Kaiwonok, Iulà,” teppù Jesus uya.