Mark 10:30 - Patamuna New Testament Revised

³⁰ uya màlà yentai tukke sàlà yattai tùwùk molopai takon non, tùlunan, tùwàlichi ton, tùpachi ton, tùsan, tùkàipùnù, tùmunkà yamùk molopai tù'mà yamùk yepolo, tùwettalumattàtok pokonpe nàlà kan uchi. Molopai nùyàssai'nùk pata weyu yau, tàwàlàlà wema'nàtok yepolo ya màlà.

Mark 10:30 ပူးပေါင်းရင်းမြစ်များ

Matthew 12:32

Ànù'là Kàyik Mumu winàkàik tùuselupasen pàk usentuppan màlà. Tùse ànù'là Wakù Akkwalù winàkàik tùuselupasen pàk usentuppan pen màlà, sàlà pe wapùla tàwàlà là,” teppù Jesus uya.

Matthew 13:8

Tùse tùulon kon wessolokappù wakù non yak. Iwattappù molopai iwepetappù. Tùulon kon wechippù 100 pe itepelu, tùulon kon 60 pe molopai tùulon kon 30 pe.

Matthew 6:33

“Tùse làkku, wapiya itepulu pe iwettok yemyak ettùtàk kon, molopai tamù'nawàlà iche iwettok kasa molopai tamù'nawolon sàlà yamùk tùlù ya màlà eyemyak kù'nokon.

Luke 18:30

eke peiwa yepolo màlà sàlà pe, molopai tàwàlàlà nen uchi wema'nàtok yepolo ya màlà nùyàssai'nùk pata weyu yau,” teppù Jesus uya tok pàk.

John 10:23

Jesus usalàppù Katù yùwùk yawàlà Solomon patassek itesek yawà.

Yeunossak kon Wotokoyi 14:22

Tok uya ailon tawonnan Jesus pàk meluntàpappù miyaiwa tok wettoppe ailon tetok tùuya'nokon pàk. “Utànnù'nokon màlà tukke wettalumattàntok yawàlà Katù wettok itepulu pe yak wewonàtok kon pe,” .

Yeunossak kon Wotokoyi 16:25

Anomlak yawàlà'ne Paul molopai Silas tawonnan wàpùlemappù molopai tok uselenpappù Katù yelemu yamùk pàk, molopai tùulon kon patikichi tawon kon wechippù tok yeta pàk.

Yeunossak kon Wotokoyi 5:41

Yeunossak kon uya Jew yamùk Yepulu ton nàmàppù eke pe tùutauchinpatok ke. Masapùla wakù kuttok tok uya yattai wechippù wekuli'mantok yau, tok wettalumattàppù, Jesus yesek ponaloppe.

Romans 5:3

Màlà neken pen, wettalumattàntok kon yau nàlà tùutauchinpasan kùmyamlo. Masapùla wettalumattàntok uya ipàlikatok nepù ittu'nokon pàk.

Romans 6:23

Masapùla àli yepeppù màlà weli'nàtok. Tùse Katù uya lepantok màlà tàwàlàlà wema'nàtok Kùlaik Chisek, kùyepulu kon yai.

2 Corinthians 6:10

Tùusewankono'mase tùse tàwàlà tùutauchinpaik, itemamin pùla tùse tukkan kon ma ina uya temamin ke, yà'làlà pùla tùse tamù'nawolon yesappe.

Philippians 3:8

Yà'làlà wakù, Christ Jesus Uyepulu tùttuyai'nùk walai pùn. Tamù'nawolon nonkasak uya sàlà. Molopai tenu'masen àlitta kasa ikupù uya, Christ neken nen uchi iche wechi.

2 Thessalonians 2:16

Tàwà Kùyepulu kon Jesus Christ tùmàlà pe, molopai Katù Kùkàipùnù kon, kù'nùnmanàippù'nokon molopai wakù pe tùwettok yau kùlepanàippù'nokon tàwàlàlà meluntà ke molopai wakù enpen we'nàtok ke,

1 Timothy 4:8

Ànù'là yenupa aitunpe utàntok pe wapùla wenkalunàtok màlà wakù molopai tepeppù kenan, tùse akkwalù yenupatok Katù wettok iche kasa màlà wakùiwa tamù'nawolon yau, masapùla wema'nàtok sàlà pe molopai ewanawolok yau tàwàlàlà wema'nàtok ke lepan tùuya tesak ya pàk.

1 Timothy 6:6

Ewaik, Katù ya'là we'nà màlà kappon manài eke pe, itesak pe we'nàtok pàk tenki tawon pe we'nà yau.

James 1:12

Tùutauchinpasen mùkkàlà kappon ailon pe tùwessen ittuntok kùlottawàlà. Masapùla ittuntok yentaika ya yau ilepa màlà wema'nà yalùko ke, e'mantok Katù uya itùlù tùuya tù'nùnmanài nan piyak teppù lùppù ke.

James 5:11

Tùutauchinpasan tukaik tok yesa'nàinan kùmyamlo masapùla tok uya pàlikansak pàk. Job uya pàlikantok yetappù auya'nokon, molopai mùttuyatàik Itepulu uya Job pùikattàppù iwenukapù pe. Masapùla Itepulu Katù mùkkàlà usentuppantok yesak eke pe.

1 John 2:25

Molopai sàlàichi màlà Christ uya itùlù tùuya kùpyakù'nokon teppù lùppù, tàwàlàlà wema'nàtok.

1 John 3:1

Yentàk kon eke pe Kùkàipùnù kon uya kù'nùnmappù kon! Pùnùnmantok ya wechi màlà eke pe kulu màlàpàk kùyesatù kon Katù munkà yamùk tukaik. Màlàpàk imunkà yamùk kùmyamlo. Sàlà kasa iwechi pàk wolù uya kùyittu kon pùla iwechi màlà, Katù ittusak ya pùla iwechi màlà.

Revelation 2:9

Atalumattàtok molopai entuppak ewechi tùttuyaik. Tùse itemaminkek kulu àmàlà. Àli ton uselupantok kon ewinàkàik tùttuyaik Jew yamùk pe tùusesassan winà tùse Jew yamùk pe pùla echii'ma. Settan ponalok kon mùkyamlo.”

Revelation 3:18

Eyekamappoyan Iulà, Kolù ye'ma pa uwinàpai, apok ke tùpottàik ikonekasak kolù, temamin ke ewechi pa. Aimu'nan pon nàlà ye'makà ewepontà pa yak, molopai eyesak iwapu pùn kuli'manài iwaputtàkà. En yipik nàlà ye'makà eyenu yipippe, wakù pe pata yene pa.