Mark 10:29 - Patamuna New Testament Revised

²⁹ “Ailon kulu sàlà,” teppù Jesus uya tok pàk, “Ànù'là tùwùk nànnàippù, wapùla takon non, tùlunan, wapùla tùwàlichi ton, wapùla tùpachi ton, wapùla tùsan, tùkàipùnù, wapùla tùmunkà yamùk, wapùla tù'mà nànnàippù upàkànsau molopai Wakù Itekale pàkànsau,

Mark 10:29 ပူးပေါင်းရင်းမြစ်များ

Matthew 10:18

Upàkànsau enepù kon màlà kin yamùk molopai kopùna yamùk yemloto pona, Wakù Itekale yekama kon pa tùpàkù'nokon molopai tùulon kon Jew yamùk pen pàk.

Matthew 19:29

Molopai tamù'nawolon kon tùwùk kon nànnàinannùssan, wapùla tùlunan yamùk tùpachi ton, wapùla tùkàipùnù kon, tùsan kon, tùmunkà kon yamùk wapùla tù'mà kon nànnàinannùssan upàkànsau uya, 100 pe itekkwa yepolo màlà molopai tàwàlàlà wema'nàtok yepolo ya.

Matthew 6:33

“Tùse làkku, wapiya itepulu pe iwettok yemyak ettùtàk kon, molopai tamù'nawàlà iche iwettok kasa molopai tamù'nawolon sàlà yamùk tùlù ya màlà eyemyak kù'nokon.

Mark 8:35

“Ànù'là tùwemattok ichelok tùyiwalok pe neken uya màlà yenu'masak. Tàwàlàlà iwettalumattà. Tùse ànù'là tùwemattok yenu'manàippù upàkànsau molopai Wakù Itekale pàkànsau uya màlà tàwàlàlà wema'nàtok yepolo.

Luke 18:29

“Ewaik, ailon kulu sàlà, ànù'là tùpata nànnài wapùla tùnoppù, wapùla tùtonpa yamùk, wapùla tùkàipùnù molopai tùsan tawonnan, wapùla tùmunkà yamùk nànnài, Katù wettok Itepulu pe pàkànsau uya

1 Corinthians 9:23

Tamù'nawàlà sàlà ku'nài Iulà Wakù Itekale pàkànsau, pùlemantok kon iponalok pùkkù pe wettoppe.

Revelation 2:3

Pàlikanài àmàlà. Ewettalumattàppù man uyesek pàkànsau, molopai ewe'nonkasak pùla man.