Mark 10:17 - Patamuna New Testament Revised

¹⁷ Jesus wessalattàkassak tùutà pàk tùse kàyik uyàpùppù ipyak, tese'muyok iwenappù itemlotopo molopai Jesus yekamappoppù ya, “Wakù Enupanài, yà'là kupù uya ken wema'nàtok tàwàlàlà yepotoppe uya?” tukaik.

Mark 10:17 ပူးပေါင်းရင်းမြစ်များ

Matthew 17:14

Ilinà kappon yamùk kùlottak tok wennaposak yau, kàyik uyàpùppù Jesus piyak, molopai tese'muyok iwenappù itemlotopo.

Matthew 25:34

Màlàyau nen uchi Kin uya kappon yamùk tùkamikù pen winon kon pàk, ‘Àittàk kon! Ukàipùnù nùpùlemassan. Àittàk kon itepulu pe ewettok kon patassek yepotanùttàk kon, ikonekasak lùppù àponalok kon pe wolù wekonekappù motapai.

Matthew 28:8

Màlàpàk uluwaik nàmàppù tok uya tùusemittàpaik, tok wettalipasak wechippù màlà tùse nàlà tok utauchinpasak, molopai aitunpe tok utàppù ya'lonkonnùssan pàk yekamase.

Mark 1:40

Welei pàk e'neppe tùwessen uyàpùppù Jesus piyak. Tese'mu yok iwenappù ipyau molopai ipawanattàppù ya. “Uyipittàpai ewechi yau, uyipittà auya màlà. Tùttuyaik ikuttok auya meluntàlù wechi molo,” teppù ya.

Mark 10:18

Màlàyau Jesus uya yekamappoppù, “Yà'là pe ichi iwechi pàk uyesatà auya màlà ‘wakù’ tukaik? Wakù pùla iwechi màlà, tùse Katù neken.

Mark 12:14

Tok uyàpùppù ipyak molopai yekamappoppù tok uya. “Enupanài, ailon pe tùuselupassen pe ewechi ittuyan ina. Yà'là tukaik sa' kappon yamùk nùsenumenkayan ko tukaik là tùutaimelunpasen pen àmàlà. Masapùla ànùk pe là kappon wechi ittuiche tùwessen pen, tùse ailon pàk enupanài àmàlà Katù yeselu kappon ponalok pàk. Ina pàk tàwà yekamakà. Ikasa pùla na' iwechi pùlayatta ye'ma Rome pon pata yesak yemyak? Ina uya ken na' ye'ma, wapùla kane?” tukaik.

Mark 9:25

Tukke kappon yamùk uyàpù yene tùuya yau, Jesus uya àsà pe àli akkwalù pàk, “Àmàlà tùuselupasen pen molopai panattàppan akkwalù, àpàk wa ukayaik. Epakkakà mùkkàlà yapai, molopai kewontukkai walawok yak,” teppù.

Luke 10:25

Màlàyau wakù pe kulu law ittunài wà'mùssakkappù Jesus ittu pe yekamappoppù ya. “Enupanài, yà'là kupù uya tàwàlàlà wema'nàtok yepotoppe uya?” tukaik.

John 3:2

Pùsàlà uyàpùppù Jesus piyak ewalupàttau, “Ticha, ina nùttuyan enupanài pe ewechi Katù neunokopù pe. Ànù'là kappon ànkupù yekkwa kupù pen, tùse Katù wechi neken ipokonpe yau,” teppù ya Jesus pàk.

John 5:39

Wakù pe Katù Maimu pàk eusenupa kon, masapùla màlà winà là tàwàlàlà wema'nàtok yepolo auya'nokon yeselùkek ittu auya'nokon pàk. Molopai sàlà yamùk Katù Maimu uselupasak màlà upàk.

John 6:40

Masapùla Ukàipùnù wechi màlà, tamù'nawolon kon Tùmu yennài molopai ailon tawonnan ipàk uya tàwàlàlà wema'nàtok yepolo iche. Molopai tok wuluuka uya màlà wema'nàtok yak tewinanùppù wei yattai,” teppù.

Yeunossak kon Wotokoyi 16:30

Màlàyau tok yalàppù ya polo pona molopai, “Yà'là kupù uya ken wepùikattà toppe?” tukaik tok yekamappoppù ya.

Yeunossak kon Wotokoyi 2:37

Sàlà yetasak tùuya'nokon yau kappon yamùk usewankono'mappù kulu. Màlàyau Peter molopai tùulon kon teunossan pàk, “Ina tonpa yamùk, Yà'là ken uchi kupù ina uya?” teppù tok uya.

Yeunossak kon Wotokoyi 20:32

“Sàlà nen uchi ànonka kon uya Katù yemyak wakù pe imaimu wettok yak. Eyemokkanài pe iwechi màlà molopai elepaya màlà enepolo ke tamù'nawolon kon esuken iwekonkasak kon kùlottau.

Yeunossak kon Wotokoyi 9:6

“Tùse e'wuluukakà molopai itàkà pata yak, molo ànkupù yekama màlà,” teppù mayin uya.

Romans 2:7

Tùulon kon kappon yamùk wakù kupù pàk tùwessan, apulàntok, namantok molopai tàwàlàlà wema'nàtok iwannan. Mùkyamlo yemyak Katù uya tàwàlàlà wema'nàtok tùlù màlà.

Romans 6:23

Masapùla àli yepeppù màlà weli'nàtok. Tùse Katù uya lepantok màlà tàwàlàlà wema'nàtok Kùlaik Chisek, kùyepulu kon yai.

Ephesians 1:18

Eusenumenkatok kon ike utakkokatoppe itakkwayi yene kon pa yekamapponài Iula, màlà enpen we'nàtok yak àkà'masak kon ya nai'nùk ittu kon pa, eke kulu màlà wakù kuttok ya itùlù tùuya teppù ya lùppù tùponalok kon pàk,

Titus 3:7

wakù pe we'nà pen pàk Jesus uya wakù pe anùnnàppà màlà Katù nanùmù yeppe koneka'nàppù ya molopai tàwàlàlà wema'nàtok yepolo pàk enpen we'nàtok ke lepa'nàppà ya.

Hebrews 1:14

Tamù'nawàlà ken na' inchelù yamùk mùkyamlo Akkwalù yamùk tùwe'wotokomasan pe yeunossak kon pen, mùkyamlo Katù ponalok kon epùikattàpaino kon pùikattànan pe?

1 Peter 1:4

Màlàpàk enpen we'nà'nokon sàlà wakù yepolo pàk Katù nùkupù tùponalok kon ponaloppe. Iku'nài mùkkàlà àponalok kon pe epùn po, iwemyakanma pùla iwettok wapùla inmata pùla iwettok yau wapùla iwaliwomù pen màlà molo.

1 John 2:25

Molopai sàlàichi màlà Christ uya itùlù tùuya kùpyakù'nokon teppù lùppù, tàwàlàlà wema'nàtok.