Mark 10:14 - Patamuna New Testament Revised

¹⁴ Màlà yensak Jesus uya yau tùwakùli pe pùla ittuppù ya molopai tùnenupaton pàk, “Tàwà mule yamùk nùyàpùi upyak. Tok kùseleutanùttàu! Masapùla Katù wechi màlà pùsamlo walainon ponaloppe,” teppù.

Mark 10:14 ပူးပေါင်းရင်းမြစ်များ

Matthew 18:10

“Tùttuik mettàik pùsamlo echikili ton kupù auya'nokon eyewanmakonpe tukaik. Tekamayaik àpàkù'nokon, tùyinchelùyi kenan kon mùkyamlo epùn po, tok inchelùyi yamùk mùkyamlo tàwàlà Ukàipùnù yenpata yennàinan epùn po.

Matthew 18:4

Màlàpàk àssàmùla nai'nùk pùsàlà mule kasa wechi màlà eke pe kulu itepulu pe we'nàtok epùn po yau.

Matthew 19:14

Tùse Jesus uya, “Tàwà mule yamùk nùyàpùi upyak, tok kùseleutanùttàu, masapùla itepulu pe we'nàtok epùn po wechi màlà pùsamlo yekkwa ponaloppe,” teppù.

Matthew 5:10

“Tùutauchinpasan mùkyamlo talumattàntok yawàlà tùutàsan, Katù wettok iche kupù tok uya pàkànsau. Tok yepulu pe Katù wechi màlà.

Matthew 5:3

“Tùutauchinpasan mùkyamlo italumayippù pe tùwechi kon tewan kon yau ittunnan. Tok yepulu pe Katù wechi màlà!

Mark 3:5

Jesus we'naikasak wechippù màlà tok yenei'ma, tùse ichentupappù masapùla sa'man pe tok yewan wechi pàk molopai tok wechi ikasa pùla pàk. Màlàyau nen uchi kàyik pàk, “Eyemyatù yenkakà,” teppù ya. Temyatù yenkappù ya màlàyau itemyatù umeluntàtappù.

Mark 8:33

Tùse Jesus welattàppù tùnenupa ton winàkàik molopai àsà pe Peter yàulàma pe, “Itàkà uwinàpai Settan. Katù winàpaino pen màlà eusenumenkatok tùse kappon winàpaino nai'nùk,” tukaik.

John 3:3

“Ailon kulu sàlà, tùwentutu'maik pùla echii'ma ànù'là uya Katù wettok itepulu yene pen màlà,” teppù Jesus uya.

John 3:5

Jesus uya imaimu yeikuppù, “Ailon kulu sàlà, ànù'là tuna yai, molopai Wakù Akkwalù yai iwentusak pen wewomù Katù wettok itepulu pe yak pen màlà teuya sàlà.

Yeunossak kon Wotokoyi 2:39

“Masapùla Katù uya sàlà kupù uya màlà tetok tùuya yekamappù, àpàkù'nokon molopai àmunkà kon yamùk pàk, molopai tamù'nawolon kon mei nai'nan nùk pàk, tamù'nawàlà amyamlo Itepulu Kù Katùyi kon nùkà'maton tùpyak,”

Yeunossak kon Wotokoyi 3:25

‘Àponalok kon màlà tùmaimu yenpoikannan yai, ikupù uya màlà teppù lùppù Katù uya atamo kon yamùk pàk. Sàlà yamùk màlà àponalok kon nàlà tok munkà pe ewechi kon pàk. Abraham pàk, ‘Apayan yamùk yai tamù'nawolon kon kappon yamùk non pon kon pùlema uya màlà,’ teppù tùuya kasa.

Romans 11:16

Masapùla pùlomù kloimasak pilikasak wapiya kul tùsak Katù piyak yau, tamù'nawolon tamonkenan wechi màlà iponaloppe esuken. Molopai yei mik tùsak Katù yemyak yau, yei panta yamùk nàlà màlà iponalok.

Romans 11:28

Masapùla Wakù Itekale nulunpasak tok uya pàk, Jew yamùk mùkyamlo Katù yeyatonnon àpàkànsau'nokon, amyamlo Jew yamùk pen. Tùse Katù uya anùnnàtok pàkàlà, Katù wechiyakonnon mùkyamlo tok tamo yamùk pàkànsau.

1 Corinthians 14:20

Utonpa yamùk, mule yamùk lùkkwà mùkyamlo àli ittunnan pen. Tok kasa ettàk kon tùse eusenumenkatok kon yau tok kasa kettàu, tùse kàyippe ettàk kon eusenumenkatok kon yau.

1 Corinthians 7:14

Masapùla tùnoppù kenan ailon tawon pen, konekasak màlà esuken inoppù winà, molopai tùtayappù kenan ailon tawon pen konekasak màlà esuken itayappù winà. Màlà kasa pùla iwechi yau àmunkà kon yamùk wechi màlà àli pe, tùse màlà kasa, esuken tok wechi màlà nai'nùk.

Ephesians 4:26

Tùwemakuimaik ke'naikatàu. Molopai tùwe'naikase kasapontàtàu.

2 Timothy 1:5

Ailon kulu ailon tetok auya ittunài Iulà, màlà ailon tetok ànok Lois molopai asan Eunice uya yekkwa. Tùttuyaik kulu itesak pe nàlà ewechi.

2 Timothy 3:15

molopai mùttuyaik mule pe ewechi motapai Wakù Katù Maimu ituppù auya, pukkek pe we'nàtok ke elepanài màlà wepùikattàtok yak anài ailon tetok Christ Jesus yau.

1 Peter 2:2

Entusan mule yamùk, manak iche tùwe'nakklipasan tàwàlà, màlà kasa wakù esukenan manak kappon winàpaino pen iche ettàk kon tàwàlà meluntà pe ewena kon pa iwinà molopai ewepùikattà kon pa.

Revelation 14:5

Tok mùta yau kasei là pùla kulu iwechippù màlà, iwalai pen pùla tok wechippù.