Mark 1:34 - Patamuna New Testament Revised

³⁴ Tukkan kon ipiitàppù ya tùpatalo'nan itepalan ton, molopai àli akkwalù yamùk là yenpakkappù ya. Tok uselupatok yattai ke Jesus uya tok lepappù pen, masapùla tok uya tùyittu pàk.

Mark 1:34 ပူးပေါင်းရင်းမြစ်များ

Matthew 4:23

Jesus utàppù màlà tamù'nawàlà Galilee yawàlà, kappon yamùk yenupa pe tok wepilittok itak tau, Wakù Itekale itepulu pe we'nàtok yekale yekama pe, molopai yà'là yekkwa ton nà itepalan ton molopai ite'netù kappon yamùk ipittà pe.

Matthew 4:24

Itekale usetappù màlà tamù'wàlà Syria pon pata yawàlà. Màlàpàk kappon yamùk uya tamù'nawàlà e'netton yalàppù ipyak yà'là yekkwa ton nà palan pàk tùwessan molopai ti'ninchan kulu. Molopai nàlà àli akkwalù yen yamùk, tùusa'mantapàssan, itokkassak kon nà nepùppù tok uya. Jesus uya tok ipittàppù màlà tamù'nawàlà.

Mark 1:25

Jesus uya ipàk meluntà pe, “Eppana ekkà, epakkakà mùkkàlà kàyik yapai!” teppù.

Mark 3:12

Chisek uya àsà pe àliton akkwalù yamùk yekamappoppù ànùk pe là tùwechi yekama tok uya tukaik.

Luke 4:41

Àli ton akkwalù nàlà wepakkappù tukkan kon kappon yamùk yapai, tùwentaimeipàtùi’ma' nokon, “Katù Mumu, Àmàlà!” tukaik. Jesus uya tok yàulàmappù molopai tok uselupa toppe ikupùppù ya pen, masapùla tok uya enupanài Christ pe tùwechi ittu pàk.