Mark 1:27 - Patamuna New Testament Revised

²⁷ Tukkan kon usenumenkappù kulu màlà ipàk. Tok usekamappopàtùppù tùyiwalà'nokon, “Yà'là ken uchi sàlà, tùulon nà emennak enupantok? Pùsàlà kàyik tapùikettù ke man àli akkwalù yamùk yapyontàtok yesappe molopai tok wechi imaimu yawàlà” teppù tok uya.

Mark 1:27 ပူးပေါင်းရင်းမြစ်များ

Matthew 15:31

Kappon yamùk usenumenkasak wechippù màlà tùuselupasen pen uselupa yene tùuya'nokon yau, sesenpan uchipittàsak pàk, tùusasen pen usalà pàk, molopai enpùnon uya yene pàk. Molopai Israel Katùyi yapulàppù tok uya.

Matthew 8:9

“Iulà nàlà mùkkàlà eke ton yapàikketù yokoik itùsak lùppù, molopai soicha yamùk molo man uyo'non kon. Pùsà yapyontànài Iulà, ‘Itàkà!’ tukaik, molopai tùutàsen mùkkàlà. Mùkklà pàk, ‘Àikkà!’ tawon Iulà, molopai tùuyàssen mùkkàlà. Molopai uyapyoto pàk, ‘Sà ikukkà,’ tawon Iulà, molopai iku'nài mùkkàlà,” teppù ya Jesus pàk.

Matthew 9:33

Àli akkwalù yenpakkasak ya pe, kàyik uselupappù nen uchi màlà. Tamù'nawolon kon usenumenkasak wechippù. “Sàlà yekkwa là yensak nokon pùla man Israel yau,” teppù tok uya.

Mark 1:26

Àli akkwalù uya kàyik yalo'mappù ipla meluntà pe. Iwentaimeppù eke pe, molopai iwepakkappù mùkkàlà yapai.

Mark 1:28

Màlà yattai là màlà tok uya Jesus pantomù yekamappù pata yamùk Galilee yawolon kon yawàlà.

Mark 10:24

Inenupa ton usenumenkappù kulu màlà ichelupa pàk. Tùse Jesus uya tukka tok pàk, “Umunkà yamùk, sa'man pe Katù yanùmù kappon yamùk uya tepulu kon pe wechi màlà!

Mark 10:32

Tok utàppù asantawàlà Jerusalem pona. Màlàyau Jesus utàppù tok wapiya. Inenupa ton usenumenkappù kulu molopai kappon yamùk tok ya'là tùwessan usenalippappù. Molopai Jesus uya tùnenupa ton neken tùpantakaik tok pàk yà'là pe kappon yamùk uya tùkuttok woton yekama tukkappù.

Mark 16:5

Uluwaik yak tùwewonsak kon yau, tok uya umoine kàyik yeneppù aimu'nan kusan pon yau chichiupe kamik pen winà.(meluntà winà) Tok wettalipappù kulu màlà.

Mark 16:6

Màlàyau tok pàk, “Kettalipatàu, Jesus Nazareth pon iwa auya'nokon màlà, ipukapàssak lùppù pulusuk pona. Ipla man talà. Iwe'wuluukappù man. Imasa yentàk kon inonkappù yak lùppù,” teppù ya.

Mark 7:37

Tamù'nawàlà yetannùssan usenumenkasak kulu wechippù, “Wakù pe là tamù'nawolon kuppàssan. Panattàppan pana utakkokatoppe là iku'nài pe man molopai tùuselupasen pen nà uselupatoppe,” tukaik.

Luke 4:36

Tamù'nawolon kon usenumenkappù màlà. Molopai tok uya tùtonpa kon pàk, “Yà'là yekkwa ken sàlà usenupantok? Meluntà pe molopai apàikkek pe ku pùsàlà kàyik àli akkwalù wepakka toppe nekamai, molopai nepakkai!” teppù.

Luke 9:1

Jesus uya 12 pan kon ta'lon kon kà'mappù tamùkke. Molopai tok lepappù ya meluntà molopai apàikkek ke, tamù'nawàlà àli akkwalù yamùk yenpakka toppe tok uya, molopai palan ipittà toppe tok uya.

Yeunossak kon Wotokoyi 17:19

Màlàyau Paul nepùppù tok uya màlà wepili'nàtok patassek Areopagus itesek yak, molopai tok uya, “Ina ànùttupai man attalai sàlà emennak enupantok meselupayai'nùk ipàk.