Luke 9:49 - Patamuna New Testament Revised

⁴⁹ John uselupappù, “Itepulu, kàyik yentai nen mà ina tà, àli akkwalù yamùk yenpakka ya eyesek yau. Ina kan nekamatai iweleuta toppe, masapùla kùklottawon pe pùla iwechi pàk,” teppù ya.

Luke 9:49 ပူးပေါင်းရင်းမြစ်များ

Matthew 3:14

Tùse John wechippù Jesus uya tùusenumenkatok mùyakanmatoppe ikupùiche. “Usenpatauka làkku nen eppaino ewinà, tùse àuyàssak man upyak!” teppù ya.

Luke 5:5

“Uyepulu, sa'man pe ina ne'wotokomai ewalupàttawà molopai ànù'là yachi ina uya pùn. Tùse wa te auya yau, punwe yamùk yeulanka uya sàlà,” tukaik Simon uya yeikuppù.

Luke 9:33

Kàyik yamùk uya Jesus nàmà tùse, Peter uya Jesus pàk, “Enupanài, wakù pe man talà we'nà'nokon. Àsolùwau tapùi yamùpai'nokon man, tewin àponalok pe, tewin Moses ponaloppe, molopai tewin Elijah ponaloppe,” teppù. Yà'là te kulu là tùuya ittuppù ya pen màlà.

Yeunossak kon Wotokoyi 5:28

“Pùsàlà kàyik yesek yau kappon yamùk kùsenupatàu, nùkatai nàlà ku ina àpàkù'nokon, tùse enupantok auya'nokon utà kassak man tamù'nawàlà Jerusalem polo, molopai ina ànkuppai messatàik iwànài nan nùssan pe!” teppù tok uya.

1 Thessalonians 2:16

Tok wechippù nàlà ina yeleutanùpùiche Wakù Itekale yekama ina uya kappon yamùk Jew yamùk pen pàk tukaik, tok wepùikattà tukaik. Sàlà kasa màlà tamù'nawàlà eke pe tok makuyi wepilipù tok pona. Màlàpàk nen uchi Katù we'naikatok wepukakasak man tok pona.