Luke 9:16 - Patamuna New Testament Revised

¹⁶ Jesus uya mùyak etoikenan eki molopai asa'lon kon molok yamùk tawon yanùmùppù molopai tenu tùlùppù ya epùn winàkàik. Tenki teppù ya Katù pàk màlà yamùk pàk, molopai ipilipàtùppù ya. Molopai itùlùppù ya ta'lon kon yemyak tok uya yekantoppe kappon yamùk yemyak.

Luke 9:16 ပူးပေါင်းရင်းမြစ်များ

Matthew 14:19

Kappon yamùk weleutatoppe wanak pona Jesus uya yekamappù tok pàk. Màlàyau 5 pan pùlomù pusak molopai asa'lon kon molok yamùk tawon yanùmùppù ya. Tenu tùlùppù ya epùn winàkàik, molopai tenki teppù ya. Pùlomù pusak yamùk pilipàtùppù ya molopai itùlùppù ya ta'lon kon yemyak, molopai ya'lon kon uya itùpàtùppù kappon yamùk yemyak.

Matthew 15:36

Màlàyau 7 pan pùlomù pusak molopai molok tawon yanùmùppù ya, tenki teppù ya, molopai nen uchi ipilipàtùppù ya, molopai ta'lon kon yemyak itùlùppù ya. Molopai ya'lon kon uya kappon yamùk yemyak itùpàtùppù.

Mark 7:34

Epùn winàkàik tenu tùlùppù ya, molopai kusan pe iwe'netukkappù màlàyau kàyik pàk, “Ephphatha!” teppù ya, “Atakkokakà,” te ya pe iwechippù màlà.

Luke 22:19

Molopai pùlomù pusak yanùmùppù ya, tenki teppù ya Katù pàk, ipenpàtùppù ya molopai itùlùppù ya tok yemyak, “Sàlà màlà upun itùsak àponalok kon pe. Sàlà mùkuttàik uyittutok auya'nokon ipàkàlà pe,” tei'ma.

Luke 24:30

Iweleutappù màlà kùyali yapon piyau tok pokonpe, pùlomù pusak yanùmùppù ya, ipùlemappùya. Màlà tùpo ipilipàtùppùya, tok yemyak nen uchi itùpàtùppù ya.

Luke 9:15

Ya'lon kon uya ikupùppù molopai tamù'nawolon kon yeleutanùpùppù tok uya.

Luke 9:17

Tamù'nawàlà tok uta'lettàppù màlà tùwenukasse. Molopai Jesus ya'lon kon uya nen uchi 12 pe kaichalà walicha yamùk yak kappon yamùk yeipa tonpappù yanukuppù màlà.

John 6:11

Jesus uya pùlomù pusak yanùmùppù, tenki teppù ya Katù pàk, molopai tùnenupa ton yemyak itùlùppù ya kappon yamùk lepatoppe tok uya. Màlà kasa lùppù molok kupùppù ya, molopai tamù'nawolon kon uta'lettàppù iche tùwettok kon kasa.

John 6:23

Tiberias poi tùulon kon kanau yamùk uyàpùppù màlà pùlomù pusak napùppù ilinà kappon yamùk uya, tenki te Itepulu Jesus uya tùpo motak.

Yeunossak kon Wotokoyi 27:35

Sàlà te tùpo, Paul uya pùlomù pusak yanùmùppù tenki teppù ya Katù pàk, tamù'nawàlà tok yemloto po, molopai ipilikappù ya, molopai tùuta'lettà pàk iwessa'molùkappù.

Romans 14:6

Mùkàlà pata weyu tonpa ittunài eke pe uya ikupù màlà Itepulu yapulàtok iwinà pe, mùkkàlà ta'mù'nawolon na'nài molopai yannài uya ikupù màlà Itepulu yapulàtok iwinà pe, masapùla tenki tawon mùkkàlà Katù pàk kùyali pona. Mùkkàlà tùulon nà kùyali nulunpanài uya ikupù màlà Itepulu yapulàtok iwinà pe, molopai tenki tawon mùkkàlà Katù pàk.

1 Corinthians 10:30

Tenki tei'ma Katù pàk uyeipa napù uya, yà'là pe iwechi pàk ànù'là uya uyàulàma tenki tukaik là yanùmù uya tùse?

1 Corinthians 11:24

Tenki te tùpo ipilipàtùppù ya, molopai, “sàlà màlà upun àponalok kon, sàlà mùkuttàik uyittutok auya'nokon ipàkàlà pe,” teppù ya.