Luke 9:11 - Patamuna New Testament Revised

¹¹ Yetasak tùuya'nokon yau tukkan kon kappon yamùk uya iwenaimappù. Tok yanùmùppù ya tùutauchinpaik. Tok yelupappù ya, Katù wettok itepulu pe pàk, molopai mùkyamlo tipittà kon iche tùwessan ipittàppù ya.

Luke 9:11 ပူးပေါင်းရင်းမြစ်များ

Matthew 12:15

Ittu tùuya pàk yau, Jesus utàppù màlà pata yapai, molopai tukkan kon kappon yamùk utàppù ya'là. Tamù'nawàlà e'netton ipittàppù ya.

Matthew 14:14

Jesus wepalùkappù màlà kanau yapai, tukkan kon kappon yamùk yensak tùuya yau ichentuppappù tok pàk, molopai tok ye'netù ipittàppù ya.

Matthew 21:31

I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Matthew 21:43

“Màlàpàk tekamayaik àpàkù'nokon, sàlà lepantok mokka màlà ewinàpai'nokon molopai itùlù màlà kappon yamùk wakù pe tùwepetasan yemyak.

Luke 1:53

Iwan ton yewetùppù ya wakù ton ke molopai tukkan itemamin ton yeunokoppù ya itemyawon pùla.

Luke 5:31

Jesus uya tok maimu yeikuppù, “Kappon yamùk e'nek ton pen mùkyamlo ipittànài iche tùwessan pen, tùse e'nek ton neken,” tukaik.

Luke 8:1

Mala là tachin pe tùpo Jesus utàppù màlà pata yamùk eke ton molopai echikili ton nà pata yawàlà, Wakù Itekale Katù wettok itepulu pe yekale yekama pe. 12 pan kon ya'lon kon utàppù màlà ya'là.

Luke 8:10

Jesus uya yeikuppù, “Katù wettok itepulu pe yau tùttusen pen ittutok auya ke elepasa'man. Tùse tùulon kon uya ittutok uyàpù màlà panton yai, tok uya tenu kon tùtoppe yenei'ma pùla, tok uya yeta toppe ittui'ma pùla,” tukaik. {ISA 6:9}

Luke 9:10

Yeunossak kon wennapoppù màlà molopai tamù'nawolon tùnkupùppù kon yekamappù tok uya Jesus pàk. Tok yalàppù ya ta'là molopai tok utàppù tùyiwalà'nokon pata Bethsaida pona.

Luke 9:12

Wei wewonkapù kùlottau, 12 pan kon ya'lon kon uyàpùppù ipyak. Molopai, “Kappon yamùk yeunokkà pata yamùk molopai umà yamùk sàlà tawolon kon nà yak, tok utàtoppe teipa kon yepose molopai tùwe'nùntok kon patassek woton yepose. Masapùla sàlà pata màlà tùkkenan, ” teppù tok uya.

Luke 9:2

Màlàyau tok yeunokoppù ya Itepulu pe Katù wettok yekamase molopai e'nek ton ipittàse.

John 4:34

Jesus uya tok pàk, “Uyekkyali màlà uyeuno'nàippù yeselu kupù molopai wotoko intùlùppù ikuttoppe uya yenuka'nùppù.

John 6:37

Tamù'nawàlà Ukàipùnù uya ulepatok kon uyàpù màlà upyak, ànù'là upyak tùuyàsen nulunpa uya pen.

Yeunossak kon Wotokoyi 28:31

Katù wettok itepulu pe yekamappù ya molopai kappon yamùk yenupappù ya Itepulu Jesus Christ pàk, tùuselupa pàk iwechippù tùusenalippaik pùla molopai iwakkà'nài pùla.

Romans 10:14

Tùse atta ken tok uya itesek yesatù ailon tesak tùuya'nokon ipàk pùla echii'ma? Molopai atta ken ailon te tok uya ipàk, itekale yetasak tùuyanokon pùla echii'mai? Molopai atta ken tok uya yeta, itekale yekama ànù'là uya pùla là tùse?

Romans 10:17

Màlàpàk uchi ailon tetok màlà tùuyàssen itekale yeta winà, molopai itekale tùuyàssen Christ yekama yai.

Romans 15:3

Masapùla Christ là wechippù iche tùwettok kasa pen màlà. Tùse iwe'menukasak nai'nùk uya, “Mottùnpantok àmottùnpappù lùppù ike mùkyamlo uya, wettùsak man upona,” te kasa. {Psa 69.9}

2 Timothy 4:2

Katù Maimu yekamakà, yekama pàk kulu ekkà, yekamatok yattai wechi ikasa tùse wapùla ikasa pùla tùse molopai tok imeluntàpakà, molopai tok makuyi yekamakà. Tùse nàlà tok yauchinpakà molopai tok panama auya yau kesemittàpai.

Hebrews 4:16

Màlàpàk tùwe'namaik pùla uyà'nàpai'nokon Katù yapon yemloto pona, wakù kuttok ya kùponaloppe patassek yak. Molo usentupantok yanùmù màlà molopai wakù yepolo, kùpùikattànài iche we'nàtok yattai.