Luke 8:31 - Patamuna New Testament Revised

³¹ Jesus pawanattàppù àli akkwalù yamùk uya, i'nawon aiko yak teunoko kon ya tukaik.

Luke 8:31 ပူးပေါင်းရင်းမြစ်များ

Matthew 25:41

“Màlàyau nen uchi tùkamikù winon kon pàk, ‘Itàtàk kon uwinàpai, amyamlo ipa'nù'nàssak kon! Itàtàk kon tàwàlàlà tùuyassen apok yak, ikonekasak lùppù Tepùlù molopai itinchelùyi yamùk ponaloppe yak!

Luke 8:28

Jesus yensak tùuya yau iwentaimeppù eke pe, iwekkawai'mappù Jesus yemloto po molopai “Jesus, eke kulu tùnamasen Katù Mumu! Yà'là pe wechi iche messan? Apawanattàyan iulà, kùtalumattài tàwà!” teppù ya.

Luke 8:32

Tukkan kon puluku yamùk wechippù màlà mei pùla, tùuta'lettà kon pàk wù'lappolo. Àli akkwalù yamùk uya Jesus pawanattàppù tùutà tok kon pe puluku yamùk yak. Màlàyau tok utàtoppe ikupùppù ya.

Romans 10:7

“Ànùk utà ken i'nak non yak?” kùkatàu nàlà, {Deu 30.13} Christ nesse weli'nàtok yapai, te ya. {Deu. 13}

Revelation 11:7

Tùnekama kon yekamakassak tok uya yau, àsà ene tùuyàssen i'nawon iteuta yapai uya tok panta'ma màlà. Tok yentaika ya màlà molopai tok wànà ya.

Revelation 17:8

Àsà ene menpàssai'nùk wechippù màlà molo, tùse molo pùla nen uchi iwechi màlà. Iiyàpù i'nauwon iteuta yapai winàkàik man molopai iità màlà tùmattanùttoppe. Kappon yamùk non po tùwemassan itesek imenukasak kon pen wema'nàtok yapon kaleta yau, non wepyattà motapai, usenumenka kulu màlà tamù'nawàlà, àsà ene yene tùuya'nokon yau. Masapùla nulà iwechippù màlà, tùse nulà pùla nen uchi iwechi, molopai ichenpoika tu'ma màlà.

Revelation 19:20

Àsà ene yachippù màlà, tamùkke iwalai pen itekale yekamanàippù pokonpe, mùkkàlà tensan pen yamùk ku'nàippù itemlotopo. (Màlà tensan pen yamùk winà màlà mùkyamlo àsà ene uya pattàntok yesak ton yennakappù ya, molopai àsà ene kasa ikonekasak yapulànnan nùssan.) Àsà ene molopai iwalai pen itekale yekamanàippù tawonnan yenu'mappù màlà asakklàma, nulà apok yak kulupala kasa tùkà'nùnsen pokonpe tùuyassen yak.

Revelation 9:11

Eke kin yesappe tok wechippù tepoi'nokon, mùkkàlà inchelù i'nauwon iteuta yennài. Hebrew maimu yau itesek màlà Abaddon, Greek maimu yau Apollyon, (“Mattanù'nài” teya pe iwechi).