Luke 7:38 - Patamuna New Testament Revised

³⁸ Molopai satippe iwechippù Jesus mùpoi winà, itta piyau, tùkalawù pàk. Molopai itta yaiku'mappù ya tenu palu ke. Ya'munakkappù ya tùnsek ke molopai itta yamùk kismappù ya. Molopai apoi'nan kalapa mappù ya ipona.

Luke 7:38 ပူးပေါင်းရင်းမြစ်များ

Matthew 5:4

“Tùutauchinpasan mùkyamlo tùusewankono'masan. Katù uya tok yewan ipittà màlà!

Luke 22:62

Peter utàppù màlà motapai molopai ikalawùppù tùuseka'nonkaik.

Luke 6:21

“Tùutauchinpasan amyamlo napàkkassai'nannùk sàlà pe, auta'lettà kon màlà tùwenukasse. Tùutauchinpasan amyamlo nùsewankono'mayainan'nùk sàlà pe, masapùla àwàkklà kon màlà.

Luke 7:37

Molo nossan wechippù, màlà pata yau àli pe tùwemassen, Jesus uta'lettà Pharisee yùwùk tau yekale yetappù ya màlà. Màlàpàk apoi'nan ten yawon kalapa nepùppù ya.

Luke 7:39

Yensak tùuya yau Pharisee, Jesus kà'manàippù uya tùyiwalà, “Pùsàlà wechi Katù Maimu yenpoikanài pe yau, ànùk pe pùsàlà tappàppà'nài nossan wechi ittuppù ya sàlà eppaino, yà'là yekkwa là iwemattok pe iwechi!” teppù.

John 11:2

Pùsàlà mùkkàlà Mary Jesus pùta kalapaimanàippù kalapa ke molopai itta ya'munakanàippù tùnsek ke. Mùkkàlà lui, Lazarus wechippù e'nek pe.

James 4:9

Esewankono'matàk kon, àpokoitatàk molopai akalantàk kon; tàwà àwàkklàtok kon nelattài akalantok kon pe, molopai tàwà autauchinpatok nelattài pokoitantok pe.