Luke 7:37 - Patamuna New Testament Revised

³⁷ Molo nossan wechippù, màlà pata yau àli pe tùwemassen, Jesus uta'lettà Pharisee yùwùk tau yekale yetappù ya màlà. Màlàpàk apoi'nan ten yawon kalapa nepùppù ya.

Luke 7:37 ပူးပေါင်းရင်းမြစ်များ

Matthew 21:31

I'nai uya ken tùkàipùnù wettok iche kupùppù nai?” teppù Jesus uya. “Wapiyalok uya,” tukaik tok uya yeikuppù. “Ailon kulu sàlà, pùlayatta pili'nàinan molopai kàyik yamùk yemyak tùwechilanmasan utà màlà Katù patassek yak awapiya'nokon.

Luke 18:13

“Tùse pùlayatta pili'nài wechippù satippe mei. Molopai tenpata tùlù ya Epùn winàkàik pùla kulu iwechippù, tùse tùplopo wàpàtùppù ya neken, molopai, ‘Katù, upàk tàwà esentuppakà, Iulà sa'ne, umakuyi yawon!’ tei'ma.

Luke 19:7

Yennài nan nùssan kappon yamùk wessa'molùkappù tùusàulàma kon pàk, “Pùsàlà kàyik utàsa'man àli ku'nài yùwùk tak ikaklamu pe,” tukaik.

Luke 5:30

Tùulon kon Pharisee yamùk molopai Law pàk enupannan yamùk usàulàmappù Jesus ya'lon kon pàk. “Yà'là pe iwechi pàk auta'lettà kon màlà pùlayatta pili'nài nan pokonpe molopai àli ton pokonpe?” tukaik.

Luke 5:32

“Wakù ton kappon yamùk kà'mase uyàssak pen sàlà, tok welattà toppe àli kuttok winàpai Katù winàkàik, tùse àli ton làkku,” tukaik.

Luke 7:34

Kàyik Mumu uyàpùppù, molopai itta'lettàppù molopai tùwuku inchippù ya, màlàpàk ‘Eke pe tùuta'lettàsen mùkkàlà molopai ipla tùwetùnsen, pùlayatta pili'nài nan wechi yakon molopai àli ku'nài nan wechi yakon,’ teppù auya'nokon.

Luke 7:36

Pharisee uya Jesus kà'mappù màlà iita'lettà toppe tùpokon pe. Jesus utàppù itùwùk tak molopai iweleutappù uta'lettàn yapon piyak.

John 11:2

Pùsàlà mùkkàlà Mary Jesus pùta kalapaimanàippù kalapa ke molopai itta ya'munakanàippù tùnsek ke. Mùkkàlà lui, Lazarus wechippù e'nek pe.

John 9:24

Yakon itekkwa pe tok uya enpùla echippù kàyik kà'mappù. Tok uya ipàk, “Katù yapulàtok auya itùkà, ailon pe wa kakkà! Ina nùttuyan pùsàlà kàyik wechi tùmakuyi yawon pe,” teppù.

John 9:31

Ittu'nokon man Katù uya tùmakuyi yawon maimu yeta pen. Tùse ànù'là Katù namanài molopai teselu ku'nài, mùkkàlà maimu yeta ya màlà.

Romans 5:8

Tùse Katù uya eke pe kulu kù'nùnmatok tùuya yekamappù màlà. Makui yau lùppù we'nà'nokon tùse Christ welikùppù màlà kùponalok kon pe.

1 Timothy 1:15

Sàlà màlà ailon wa tetok, tanùnsen pe kulu iwechi: Christ Jesus uyàpùppù sàlà wolù yak àliton pùikattàse. Iulà mùkkàlà tok yentai eke pe kulu àli ku'nàippù.

1 Timothy 1:9

Sàlà ittutàk kon: Law wekkussak màlà wakù ton nà kappon yamùk ponaloppe pùla. Tùse Law yawolon kon pen ponaloppe, àli ku'nài nan, Katù yapulànnan pen, molopai àsà pe tùwessan ponaloppe, Katù pùnon, kappon yamùk tùkàipùnù kon wapùla tùsan kon wànnan ponaloppe, molopai kappon yamùk tùkkannan ponaloppe.

1 Peter 4:18

Molopai, “Sa'man pe kulu wakù ton kappon yamùk wepùikattà wechi yau, yà'là pe ken Katù pùnon molopai àli ton kappon yamùk wechi?” {Pro 11.31}