Luke 6:49 - Patamuna New Testament Revised

⁴⁹ Tùse mùkkàlà umaimu yetanài molopai iku'nài pen wechi màlà tapùi yamùnàippù yapon woton tùnonkaik pùla kasa. Tuna'ma uya tapùi wàssàk pon wàsak yau asse'ne kulu iwàpàppù. Àsà pe kulu iwekkawai'mappù màlà!” teppù Jesus uya.

Luke 6:49 ပူးပေါင်းရင်းမြစ်များ

Matthew 23:3

“Màlàpàk uchi tamù'nawolon tok nekama maimu yawàlà mettàik molopai mùkuttàik. Tùse tok yeselu kùkkuttàu, masapùla tùnekama kon ku'nàinan pen mùkyamlo.

Matthew 24:10

Màlà yattai tukkan kon uya ailon tetok tùuya'nokon upàk nonka màlà. Tùtonpa kon yeimippo tok uya màlà, molopai tok yeya'noma tok uya.

Mark 4:17

Wa iwechi pàk Katù Maimu wechi tok yewan yau tachinpe pen. Talumattàntok uyàssak yau tok uya inonka asse'ne.

Luke 12:47

“Mùkkàlà apyoto tepulu wettok ikupù tùuya iche ittunài tùse ikutoppe tùuya iwekonekasak pen molopai iche iwettok ku'nài pen, ippoppàtù màlà tukke itekkwa.

Luke 19:14

Ipatassek yawon kon uya yeya'nomappù màlà, màlàpàk tok uya tùmaimu kon yekaman nan yeunokoppù ite'mappù pàk, ‘Pùsàlà kàyik wechi ina kin pe iche pùla ina man,’ tukaik.

Luke 19:27

Pùsamlo uyeyaton non tùmàlà'nokon kin pe uyiche pùla iwessak kon nùssan inettàk kon sà motak. Molopai tok iwàtàk kon uyemloto po!’ teppù ya,” tukaik.

Luke 6:46

“Yà'là pe ken uchi iwechi pàk uyesatù auya'nokon màlà, ‘Uyepulu, Uyepulu,’ tukaik unekamappù àpàkù'nokon kupùi'ma pùla?

Luke 6:48

Tapùi yamùnàippù kasa iwechi màlà i'nak yakanàippù molopai yapon tùnàippù tàk pona. Tuna'ma uyàpùppù molopai tapùi wànàppù ya tùse ilaikappù ya pen, masapùla wakù pe kulu yamùsak pàk.

Luke 7:1

Tamù'nawolon sàlà yamùk yekama tùuya kappon yamùk pàk yenuka'nùssak tùuya yau, Jesus utàppù Capernaum pona.

John 15:2

“Upanta pe nai'nùk tùwepetasen pen, yattàpàtù ya màlà. Molopai tùwepetasen koneka ya màlà wakù pe tukkeiwa iwepeta toppe.

Yeunossak kon Wotokoyi 20:29

Masapùla tùttuyaik ànàmà kon uya tùpo, àsà ton ene yamùk uyàpù màlà àkklottakù'nokon, molopai tok uya Katù kaliniluyi yamùk, mattanùpù màlà.

Yeunossak kon Wotokoyi 26:11

Tukke itekkwa tok talumattàppù uya màlà tamù'nawàlà Jew yamùk wepilittok itak tau, molopai àli pe Katù winàkàik tok uselupatoppe tok kupùiche wechippù. Useka'nonka tok mattanùpùiche yau, tùulon pata yak là tok talumatàik utàppù màlà,” teppù Paul uya.

1 Thessalonians 3:5

Màlàpàk, màlà yentak ipàlika uya yentai iwechipàk Timothy teunottai, ailon tetok auya'nokon wechi atta là yense. Yattai pùla Makui uya eyittusak kon tei'ma, molopai tamù'nawàlà ina wotokoyi wechi yà'là woton pe pùla là pe tei'ma

2 Peter 2:20

Masapùla kappon yamùk wepesak akùlù wolù yeselu yapàikketù winàpai Kùyepulu kon molopai Kùpùikattànài Jesus Christ ittutok tùuya'nokon winà yau, molopai yachitu'masak akùlù tok yeselu uya yau tok yentaika ya màlà, àsà yau nen uchi tok wechi iwenukapù pe, iwepyattà yau tok wechippù yentai.

1 John 2:19

Pùsamlo kappon yamùk wechippù kùkklottawon kon pe kulu pùla màlà, màlàpàk màlà tok uya kùnàmàppù kon. Kùkklotawon kon pe tok wessak yau, tok wechippù kùpyau'nokon eppaino sàlà. Tùse tok uya kùnàmàppù kon tok wechi kùkklottawon kon pe kulu pùla ittutoppe.