Luke 6:40 - Patamuna New Testament Revised

⁴⁰ Tenupasen mùkkàlà tenupanài yentaino pen. Tùse tamù'nawolon yenupasak kon wechi màlà tenupanàippù kasa.

Luke 6:40 ပူးပေါင်းရင်းမြစ်များ

Matthew 23:15

“Àsà pe kulu iwechi màlà àpona'nokon Law pàk enupannan molopai Pharisee yamùk! Tùusennakasan amyamlo! Tuna po tùutàsan amyamlo molopai tamù'nawolon pata yawà, tewin kappon lattàse ewinàkài'nokon. Molopai ilattàsak auya'nokon yau asakitekkwa apok patasek yak tùutàsen yeppe ikussak auya'nokon màlà, akasa'nokon.

Luke 6:41

“Yà'là pe ken iwechi pàk àtonpa kon yenu yawon elekkwà kulu apok ippunuppù yennài nan amyamlo, tùse eke yei tense pùla eyenu kon yau?

John 13:16

Ailon kulu sàlà, apyoto mùkkàlà tepulu yentaino pen. Molopai mayin yekamaik yeunossak mùkkàlà teuno'nàippù yentaino pen.

John 15:20

Ittutàk kon àpàkù'nokon ‘Apyoto mùkkàlà tepotolù yentaino pen,’ ” teppù uya. “Utalumattàsak tùuya'nokon yau, tok uya nàlà atalumattà kon màlà. Tenupatok kon uya yawàlà tùwechi kon yau, tok wechi nàlà màlà tenupatok auya'nokon yawàlà.