Luke 6:35 - Patamuna New Testament Revised

³⁵ Tùse làkku eyeyaton kon i'nùnmatàk kon, wakù ikuttàk kon tok winàkàik. Itesak pe ewettok kon itùtàk kon yapulà toppe molopai innappo pàk enpen kettàu. Eke pe iche ewettok kon yepolo auya'nokon màlà, molopai Eke Meluntà tùnamasen Katù ponalok kon pe ewechi kon màlà. Masapùla wakù mùkkàlà tenki tawonnan pen pàk molopai àli ton pàk.

Luke 6:35 ပူးပေါင်းရင်းမြစ်များ

Matthew 5:9

“Tùutauchinpasan mùkyamlo echitonpa pe we'nàtok ku'nàinan. Katù uya tùmunkà pe tok yesatù màlà.

Mark 5:7

Màlàyau iwentaimeppù eke pe, “Jesus, Àmàlà Eke Katù Mumu! Yà'là pe ken ukupù auya màlà? Katù ponaloppe tàwà eyekamappo uya sàlà, kùtalumattài!” tukaik.

Luke 1:32

Eke pe iwechi màlà molopai, ‘ Eke Katù Mumu,’ tukaik yesatù màlà. Itepulu Katù uya màlà eke pata yesappe ima, itamo David wechippù kasa.

Luke 6:36

Tùusentuppaik ettàk kon, Katù Àkàipùnù kon wechi tùusentuppaik kasa làma,” teppù Jesus uya.

John 13:35

Tùuchi'nùnmaik ewechi kon tense, tamù'nawolon kon uya eyittu kon màlà unenupa ton pe ewechi kon,” teppù Jesus uya.

John 15:8

Tukke ewepeta kon yau, Ukàipùnù yapulàtok iwinà pe iwechi màlà. Sàlà winà unenupa ton pe ewechi kon yenpoika auya'nokon màlà.

Yeunossak kon Wotokoyi 14:17

Tùse tàwàlàlà Katù uya eke pe tùwechi yekamatok tùuya tùlùppù wakù ton kupù tùuya winà, konok yeuno'nài mùkkàlà kaupai molopai kùyali ipànsak yepetanù'nài iweyu yattai. Kùyali ke elepanài'nokon mùkkàlà molopai eyewan kon yanùkkanài utauchinpantok ke,” tukaik.

2 Corinthians 8:9

Masapùla mùttuyatàik wakù kùyepulu Jesus Christ nùkupùppù tamù'nawolon yesappe lànen tùwechi tùse, àpàkànsau'nokon yà'làlà pùla iwenappù, yà'là pùla iwenatok winà nen uchi tamù'nawolon yesappe ewena kon pa.

2 Timothy 3:2

Kappon yamùk wechi màlà tùmàlà neken pùnùnmannan pe, pùlayatta pùnùmannan pe, tùutapulàsan pe, tùtonpa yentai wakù pe tùwekkussan pe, mottùnpannan pe tok wechi màlà, tùsan kon maimu yawàlà pùla tùwessan pe, tenki tawonnan pe pùla, esuken pùla;