Luke 6:17 - Patamuna New Testament Revised

¹⁷ Jesus uttàppù ta'lon kon pokonpe wùk poi, molopai satippe iwechippù nomon po tukkan kon tùwenaimanài nan kùlottau. Ilinà pe kulu kappon yamùk wechippù màlà molo tamùnawàlà Judea pon kon molopai Jerusalem pon kon, molopai palau yena pon Tyre molopai Sidon pon kon.

Luke 6:17 ပူးပေါင်းရင်းမြစ်များ

Matthew 11:21

“Àsà pe iwechi màlà àpona, Korazin pon kon! Àsà pe nàlà iwechi màlà àpona, Bethsaida pon kon! Masapùla tensan pen kussak Tyre pon kon molopai Sidon pon kon ponaloppe ayau'nokon iwekussak lùppù wekkussak yau, pena nen sàlà àlichi wonpù yak tok wepontàppù eppaino, molopai ulumlàppà sululukkappù tok uya eppaino tùpona'nokon tùmakuyi kon winàpai tùwelattàsak kon yekama pe!

Matthew 12:15

Ittu tùuya pàk yau, Jesus utàppù màlà pata yapai, molopai tukkan kon kappon yamùk utàppù ya'là. Tamù'nawàlà e'netton ipittàppù ya.

Matthew 14:14

Jesus wepalùkappù màlà kanau yapai, tukkan kon kappon yamùk yensak tùuya yau ichentuppappù tok pàk, molopai tok ye'netù ipittàppù ya.

Matthew 15:21

!Jesus uya màlà pata nàmàppù molopai iitàppù pata Tyre molopai Sidon tawon piyawon yak.

Matthew 5:1

Jesus uya tukkan kon kappon yamùk yeneppù màlà molopai wùk pona iwenukuppù. Molo iweleutappù. Inenupa ton wepilipùppù màlà iwoi.

Luke 5:15

Tùse Jesus yekale usetappù mailà eke peiwa molopai ilinà pe kappon yamùk uyàpùppù yetase, molopai echipittàse tepalan kon winàpai.

Luke 6:12

Màlà yattai Jesus utàppù wùk pona àpùlemase, iwàpùlemappù pata temakkwase.

Luke 6:16

Judas James mumu, molopai Judas Iscariot, Katù Mumu yeimipponài pe iwenasak lùppù.

Luke 6:18

Tok uyàpùppù màlà Jesus yetase molopai echipittàse tepalan kon yapai. Mùkyamlo àli akkwalù naimelunpa ton uyàpùppù nàlà màlà molopai tok uchipittàppù.