Luke 4:35 - Patamuna New Testament Revised

³⁵ Jesus uya meluntà pe akkwalù pàk, “Eppana ekkà, molopai epakkakà kàyik yapai!” teppù. Àli akkwalù uya kàyik yenu'mappù tok yemloto po, molopai iwepakkappù yapai tùmattanùsse pùla.

Luke 4:35 ပူးပေါင်းရင်းမြစ်များ

Matthew 17:18

Jesus uya meluntà pe àli akkwalù pàk, “Epakkakà!” teppù, molopai iwepakkappù. Màlàyau màlà yattai kulu walawok uchipittàppù.

Matthew 8:26

“Yà'là peichi iwechi pàk ewettalipasak kon màlà? Attu'mùla kulu ailon tetok auya'nokon man!” tukaik Jesus uya yeikuppù. Màlàyau iwe'wuluukappù molopai assetun molopai chipachipa weleutatoppe ikupùppù ya, molopai iwàttù'nàkapùppù màlà.

Mark 1:26

Àli akkwalù uya kàyik yalo'mappù ipla meluntà pe. Iwentaimeppù eke pe, molopai iwepakkappù mùkkàlà yapai.

Mark 4:39

Jesus upakappù molopai iwà'mùssakkapù. Àsà pe assetun yekamappoppù ya. Molopai assetun weleutappù. Màlàyau chipachipa pàk, “Eichilà walà nechii,” teppù ya. Molopai chipachipa weleutappù. Tùtùi pe nen uchi.

Mark 9:26

Àli akkwalù wentaimeppù. Màlà tùpo walawok sa'mantanùpùppù ya molopai iwepakkappù. Màlàyau walawok wechippù iwelichak kasa. “Iwelichak man,” teppù tamù'nawolon kon uya.

Luke 11:22

Tùse meluntà iwa kàyik uya yachisak molopai yentaikasak yau, tamù'nawolon iple enpen ipàk iwettok yalà ya màlà, molopai tùnonamùppù yekamù ya.

Luke 4:23

Tok pàk, “Tùttuyaik yekamasak lùppù yekama auya'nokon upàk, ‘Ipitànài, echipittàkà,’ tawon. Molopai, ‘Màlà yamùk ànkupùppù Capernaum po lùppù ina netappù nàlà ikukkà apatasek yau,’ te nàlà auya'nokon màlà upàk.

Luke 4:39

Iitàppù molopai satippe iwechippù itekkwek piyau molopai iwàkàmi'matok pàk, “Wa là àmolonkakkà,” teppù ya. Màlàyau iwàkkàmi'makapùppù molopai iwà'mùssakappù asse'ne kulu, tok yeipa konekappù ya.

Luke 4:41

Àli ton akkwalù nàlà wepakkappù tukkan kon kappon yamùk yapai, tùwentaimeipàtùi’ma' nokon, “Katù Mumu, Àmàlà!” tukaik. Jesus uya tok yàulàmappù molopai tok uselupa toppe ikupùppù ya pen, masapùla tok uya enupanài Christ pe tùwechi ittu pàk.

Luke 8:24

Jesus ya'lon kon uyàpùppù màlà ipyak molopai tok uya yenpakappù, “Itepulu, Itepulu! Unanà'nokon pe man!” teppù tok uya. Jesus we'wuluukappù molopai assetun molopai chipachipa tawon weleuta toppe yelupappù ya. Iwàttù'nàppù màlà, tamù'nawolon wàttù'nàsak wechippù.

Luke 9:39

Àli akkwalù mùkkàlà yeponài tùntaimese, molopai yenu'manài iicha'manta toppe, màlàyau tùwentaklonpitasen. Màlà kasa imattanùppù pàk man inonka ya pùla!

Luke 9:42

Walawok muleppù uyàpù tùse, àli akkwalù uya ikawai'mappù non pona, iicha'mantappù. Tùse Jesus uya àli akkwalù yapyontàppù iwepakka toppe. Walawok muleppù ipittàppù ya molopai innapoppù ya nen uchi ikàipùnù yemyak.

Revelation 12:12

Màlàpàk uchi atauchinpakà epùn, molopai amyamlo tamù'nawolon kon molo yau tùwemassan! Tùse àsà pe iwechi màlà non molopai palau pona! Masapùla Makui uttàsak man apyakù'nokon molopai iwanùssak man we'naikantok ke, masapùla mala kulu tùweyu wà'nànsak ittuyan,” teppù ya.