Luke 3:11 - Patamuna New Testament Revised

¹¹ Yeikupù ya, “Ànù'là asa'lon ipon uya màlà yakon tùlù ipon pùn yemyak, molopai ànù'là teipa kenan uya màlà iteipa pùn lepa,” tukaik.

Luke 3:11 ပူးပေါင်းရင်းမြစ်များ

Matthew 25:40

Kin uya yeiku màlà, ‘Ailon kulu sàlà, yà'là yattai là sàlà kussak auya'nokon utonpa yamùk lùkkwà winàkàik yau, uponaloppe ikussak auya'nokon màlà!’ tukaik.

Luke 11:41

Tùse itesak pe ewettok kon itùtàk kon entuppa'nokon yemyak molopai tamù'nawolon wechi màlà wakù pe.

Luke 18:22

Sàlà yetasak tùuya yau, Jesus uya ipàk wateppù, “Tewinan nùppù là ànkupù molo man. Tamù'nawàlà itesak pe ewettok ichilanmakà molopai pùlayatta itùkà entuppa'nokon yemyak, molopai mamin yesappe ewechi màlà Epùn po. Molopai àikkà uya'là,” teppù ya.

Luke 19:8

Zacchaeus wà'mùssakkappù molopai Itepulu pàk, “Yetakà, Itepulu! Itesak pe wettok pantaka uya màlà upyau iwechi kaichalà entuppa'nokon yemyak, molopai ànù'là yama'masak uya yau, ye'ma uya màlà asakùlà'ne itekkwa,” teppù ya.

John 13:29

Tùulon kon usenumenkappù masapùla Judas wechi pùlayatta yen yesappe pàk, Jesus uya, “Yà'làlà ye'mata uta'lettàntok woton wapùla entuppa'nokon ilepata,” te pe tok uya yekamappù.

Yeunossak kon Wotokoyi 10:2

Mùkkàlà molopai itùwùk tawon kon wechippù wakù pe. Katù namappù tok uya. Eke pe kulu yà'làlà kupùppù ya entuppa'nokon Jew yamùk pùikattà pe, molopai tàwàlàlà tùwàpùlemasen pe iwechippù Katù pàk.

Yeunossak kon Wotokoyi 10:31

Molopai, ‘Cornelius! Katù uya àwàpùlematok yetasak man molopai wakù pe entuppa'nokon lepa pàk ewe'wotokomatok ittusak ya man.

Yeunossak kon Wotokoyi 10:4

Inchelù yenupàkà iwechippù tùusenalippai'ma molopai, “Yà'là pe nai, Uyepulu?” teppù ya. Inchelù uya imaimu yeikuppù, “Katù uya àwàpùlematok molopai entuppa'nokon lepa pàk ewe'wotokoma tok yanùnsak man, molopai eyittusak ya man.

Ephesians 4:28

Amappe tùwessen pe ewechi yau amappe ewettok yeleutanùkkà. Ailon pe ekkà molopai sa'man pe e'wotokomakà yà'là pùnon kappon yamùk yemyak àntùlù woton wettoppe molo.

1 Timothy 6:17

Tukke itemamin nai'nannùk sàlà motau wema'nàtok yau yekamapokkà. Itekkwa pe tok kùsekkuttak molopai enpen tok kùsettak temamin kon sa'man pe pùla tùwe'lachimasen pe nai'nùk pàk, tùse Katù pàk làkku enpen tok nechii, mùkkàlà tùweleutàik pùla tamù'nawolon ke lepanyai'nùk tapulàsen pe nai'nùk ke.

1 Timothy 6:18

Wakù kuttoppe tok uya yekamakà, eke pe tùutauchinpaik tok wettoppe tùnkupù kon yau, alikyek pe tùwe'lepaik tok wettoppe ànù'là pokonpe.

Hebrews 6:10

Katù mùkkàlà ikasa nai'nùk ku'nài. Àwotokoyi kon lùppù puttàka'nùpù ya pen màlà. I'nùnmatok auya'nokon enenpoikappù kon ipemonkono yamùk pùikattà pe molopai tok pùikattà pàk lùppù messatài'nùk.

James 1:27

Sàlà màlà wakù esuken we'nàtok Katù, Kùkàipùnù yemloto po: ichan pùnon molopai ikàipùnù pùnon mainanpa molopai itayappù iwelichak kon mainanpatok wettalumatàntok yau, molopai mattanù'nài àli yeselu winàpai we'nà màlà wakù.

James 2:14

Utonpa yamùk! Yà'là ken wakù molo nai kappon uya, “Ailon tetok yesak Iulà,” te yau, iwelaikatok uya yekama pùla iwechi yau? Màlà ken na' ailon tetok uya ipùikattà?

1 John 3:17

Tukke temamin ke we'nà molopai tonpa wannà wettalumattà yà'làlà pùla yene, tùse usentupantok ipàk pùla we'nà kùyewan kon yau, atta ken, “Katù pùnùnmatok uya ike molo man uyewan yau,” te kùuya'nokon?

1 John 4:20

Ànù'là uya, “Katù tù'nùnmayaik,” te, tùse tùtonpa yeya'nomanài, mùkkàlà wechi màlà, kasei pe. Masapùla Katù tùneneppù pen pùnùnmatok ya pùla iwechi màlà tùtonpa tùnene pùnùnmai'ma pùla.